Այս պահին դասադուլավորները հասել են Երեւանի պետական լեզվաբանական համալսարան: Քիչ առաջ նրանք Կինոյի եւ թատրոնի պհետական ինստիտուտի մոտ էին եւ նրանց դիմավորեց բուհի ուսխորհրդի նախագահ Ռուզան Խաչատրյանը: «Ընտրել ենք կարգախոս, նստում ենք դասի եւ կրթություն ենք ստանում: Կարող եք գալ, լսարաններ եւ ստուգել. մեր ուսանողները դասի են, համոզված ասում եմ՝ մեր ուսանողներից ոչ մեկը ձեզ չի միանա: Դուք շարունակեց ձեր երթը, եթե ցանկացողներ լինեն՝ կմիանան ձեզ»:
Ինստիտուտից դուրս եկած ուսանողներից մեկն էլ կոչ արեց դասադուլավորներին անհապաղ ցրվել, պնդելով. «Մեր բուհը ընտրել է հեղափոխությունը արվեստի միջոցով»: Դասադուլավորներն էլ ի պատասխան նրան ասացին՝ «Գնացեք դասի, Աշոտյանին էլ կբարեւեք»:
Ավելի ուշ ակտիվիստներից մեկն էլ ասաց, որ Թատրոնի եւ կինոյի ինստիտուտում մշտապես կրթվել են հասարակության առաջադեմ քաղաքացիները ու երբեք մտավորականները այդքան սահմանափակ չեն եղել: «Մի արժեզրկեք արվեստը»,- կոչ արեց ակտիվիստներից մեկը:
Ավելի ուշ ակտիվիստներից Դանիել Իոննիսյանն անդրադառնալով երեկ բուհի ռեկտոր Մազմանյանի հարցազրույցում առաջ քաշած հարցադրումներին, թե դասադուլով նոր մարտի 1 ե՞ք ուզում, պատասխանեց. «Չենք թողնելու այս անգամ կրկնվի այն, ինչ տեղի ունեցավ 2008-ին: Մարտի բոլոր օրերը լինելու են խաղաղ: Ինքն է մարտի 1-ը դրդում, բայց այս անգամ չի լինելու, պարոն Մազմանյան, մի դրդեք»: Ակտիվիստներից Մարիամ Սուխուդյանը հավելեց՝ որքան դրդեք, այնքան կնպաստեք:
Կարդացեք նաև
Երեւանի փոխոստիկանապետ Վալերի Օսիպյանը հայտարարեց, որ
ոստիկանությունը չի թողնելու, որ մարտի 1 կրկնվի:
Արփինե ՍԻՄՈՆՅԱՆ
Մանրամասները՝ առաջիկայում
