«Միտինգի կարելի է գնալ միայն դասերից հետո: Ես չեմ ողջունում դասադուլը, իսկ ինչ վերաբերվում է ուսանողներին, ապա ընդհանրապես երիտասարդությունն իր բնույթով պետք է միշտ լինի ընդդիմադիր»,- այսօր «Հայելի» ակումբում անդրադառնալով դասադուլավոր երիտասարդներին ասաց հրապարակախոս, հասարակական գործիչ, «Ժառանգություն» կուսակցության նախկին քարտուղար Կարինե Հակոբյանը:
Հակոբյանի խոսքով` իշխանությունը պետք է գնա ընդառաջ հասարակության պահանջին, եթե անգամ չի փոխվում նախագահը, պետք է փոխվի կառուցվածքը:
«Ես կողմնակից եմ, որ ոչ թե գլուխը փոխվի, այլ վերանա այդ արատավոր ինստիտուտը»,-ասաց տիկին Հակոբյանը՝ նշելով որ հասարակությունը մեծ փոփոխությունների խաչմերուկին է կանգնած:
Անդրադառնալով Րաֆֆի Հովհաննիսյանի պայքարին, տիկին Հակոբյանը կարծիք հայտնեց, որ չի մտածում, այնպես ինչպես որոշ ուժեր. «Ես չեմ կարծում, թե այս պայքարը անկեղծ չէ, բայց եթե պարզվի, որ այդպես է՝ շատ կհուսահատվեմ»:
Կարդացեք նաև
Եվա ՀԱԿՈԲՅԱՆ
