Փետրվարի 26-ին լրանում է Սումգայիթյան ջարդերի 25-րդ տարելիցը:
Ադրբեջանահայերի ասամբլեաի նախագահ Գրիգորի Այվազյանն այսօր մամլո ասուլիսի ժամանակ կոչ արեց հայերին Սումգայիթյան ջարդերը ճանաչել ցեղասպանություն: Նա իր խոսքում նշեց, որ ցեղասպանության ճանաչումը բխում է ոչ միայն Հայաստանի շահերից, այլ նաև Լեռնային Ղարաբաղի:
Նա նաև հավելեց, որ եթե Հայաստանի կառավարությունը չի ճանաչում Սումգայիթյան դեպքերը որպես ցեղասպանություն, ինչպե՞ս կարող ենք պահանջել, որ Ադրբեջանը ճանաչի:
Այվազյանը նաև նշեց, որ արդեն 25 տարի է անցել, բայց ոչինչ չի փոխվել և եթե կոնկրետ քայլեր չձեռնարկվեն և անցնի ևս 25 տարի, ապա Սումգայիթյան ջարդերի ականատեսներն այլեւս չեն լինի՝ ապացուցելու համար իրողությունը:
Կարդացեք նաև
Մարիամ ՄԿՐՏՉՅԱՆ
