«Ակնհայտ է, որ այս ընտրությունները համարում ենք անօրինական ու ԿԸՀ-ի որոշումը նույնպես, ով ուզում էր հաղթել պաշտոնական տվյալներով, միեւնույն է, մենք համարելու էինք անօրինական: Էն, որ ես ասում էի Սերժ Սարգսյանին թողնենք միայնակ, նա պարտվելու է, ըստ էության իմ ասածը դուրս եկավ, որովհետեւ ժողովուրդը նրա դեմ քվեարկեց»,- Aravot.am-ի հետ զրույցում անդրադառնալով ԿԸՀ-ի հրապարակած վերջնական տվյալներին՝ ասաց ՀՀ նախագահի ինքնաբացարկ հայտնած թեկնածու, «Ազգային համաձայնություն» կուսակցության նախագահ Արամ Հարությունյանը:
Հարությունյանը, որպես քաղաքական գնահատական, ասաց, որ ընտրությունների պաշտոնական տվյալները չեն արտահայտում այն՝ ինչ իրականում կա. «Ուրիշ խնդիր է, որ թեկնածուները, օրինակ Րաֆֆի Հովհաննիսյանը, ռեսուրսներ չուներ, որ այդ ապացույցները ներկայացներ, թե ինչ է եղել իրականում: Ես ընտրությունները համարում եմ անօրինական, Սերժ Սարգսյանին՝ ոչ լեգիտիմ: Իսկ ԿԸՀ-ի կողմից ցույց տրված այդ նկարչությունը, մինչեւ ԿԸՀ-ն է արվել»,-նշեց նա:
Եվա ՀԱԿՈԲՅԱՆ
