ՀՀ ԱԺ փոխնախագահ Էդուարդ Շարմազանովը, այսօր լրագրողների հետ զրույցում անդրադառնալով ստեղծված ներքաղաքական իրավիճակին, ասաց, որ երկրում միայն նորմալ եւ սահմանադրական ուղիով կլինեն հանգուցալուծումները:
Նա նաեւ նշեց, որ իր համար անհասկանալի է այն ճանապարհը, որով գնում է Րաֆֆի Հովհաննիսյանը: «Առաջին օրն ասաց՝ 80 տոկոս ձայն եմ հավաքել, հետո Բաղրամյան 26-ի ճանապարհին էդ 80 տոկոսը դառնում է երկրորդ փուլ, դուրս գալուց էլ՝ դարձավ պառլամենտի ցրում: Մեր երկիրը պատվերով համերգ չի, ոչ էլ թագավորական միապետական երկիր, որ երբ նախագահը ուզի՝ պառլամենտը ցրի, երբ ուզի՝ չցրի: Չկա նման բան, մեր երկրում կա Սահմանադրություն եւ բոլորը պիտի ենթարկվեն Սահմանադրությանը»,- ասաց Շարմազանովը:
Լրագրողներից մեկը հետաքրքրվեց՝ իր կարծիքով՝ ի՞նչ քայլեր պիտի անի իշխանությունը լարվածությունը թուլացնելու համար: Էդուարդ Շարմազանովը պատասխանեց, որ ՀՀԿ-ում շատ հարգում են բոլոր այն քաղաքացիներին, ովքեր ձայն են տվել եւ իրենց թեկնածուին եւ մնացած թեկնածուներին: Ասաց, որ այդ մարդկանց կարծիքը թանկ է իշխանության համար, եւ իշխանությունն իր բոլոր քայլերում պետք է հաշվի նստի մեր հասարակության ու առկա իրողության հետ: Այնուհանդերձ, Շարմազանովը, հակադարձելով լրագրողներին, ասաց, որ որեւէ լարվածություն կամ ճգնաժամ առկա չէ Հայաստանում, նորմալ ժողովրդավարական բոլոր երկրներում էլ ֆավորիտ թեկնածուն 55-58 տոկոս ձայներ է հավաքում: Այս համատեքստում Շարմազանովը բերեց մեկ ամիս առաջ Չեխիայում տեղի ունեցած նախագահական ընտրությունների արդյունքներն ու օրինակը: Լրագրողների դիտարկմանն էլ՝ տեղի՞ն է այդ համեմատությունը, նա ասաց. «Այո, շատ տեղին է: Իսկ եթե ձեզ թվում է, որ Հայաստանում ավելի վատն են եղել ընտրությունները, քան Չեխիայում՝ չարաչար սխալվում եք»:
Ի հավաստումն իր ասածի, Շարմազանովը վկայակոչեց ԵԽԽՎ դիտորդական առաքելության գնահատականները եւ այն, որ Րաֆֆի Հովհաննիսյանի վստահված անձինք բոլոր տեղամասերում ստորագրել են արձանագրությունները: Միաժամանակ Շարմազանովը չի հերքում, որ Հայաստանում խնդիրներ կան եւ դրանք պետք է լուծվեն օր առաջ: Ինչ վերաբերվում է հետընտրական պաշտոնանկություններին, Շարմազանովը խորհուրդ տվեց դրանցից չզարմանալ, քանի որ քաղաքականությունը կենդանի պրոցես է. «Կարող ա մի օր էլ իմանաք՝ ես եմ հեռանում»: Շարմազանովը նաեւ կանխեց լրագրողների մտահոգություններն՝ ասելով, որ հետընտրական հրաժարականները պետք չէ դիտարկել Սերժ Սարգսյանի համար շատ կամ քիչ ձայներ ապահովելու հարթությունում:
Կարդացեք նաև
Նելլի ԳՐԻԳՈՐՅԱՆ
Թող փորձի նորից կրակի, դեռ անցած կրակածի ծուխը ոչ ոքի քթից դուրս չի եկել:
«Կարող ա մի օր էլ իմանաք՝ ես եմ հեռանում»:
Տեսնես երբ է գալու այդ օրը
Եթե ՕԵԿ-ը, ՀՀԿ-ի ներքին օրգաններից մեկն է, ապա շահմազանովն էլ,՝ սս-ի ներքին օրգաններից է: