Քիչ առաջ հանդիպեցի Հայ Առաքելական Սուրբ Եկեղեցու նվիրապետության գլուխ Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի հետ:
Ստանալով Վեհապառի հայրապետական օրհնությունը՝ զրուցեցինք հասարակության և երկրի առջև ծառացած մի շարք մարտահրավերներից: Զրուցելով երիտասարդներին հուզող հիմնահարցերի և խնդիրների մասին՝ քննարկեցինք «Տոների և հիշատակի օրերի մասին» ՀՀ օրենքում երիտասարդների օր ունենալու գաղափարը:
Վեհափառ Հայրապետը կարևորեց պաշտոնական տոնացույցում երիտասարդների օր ունենալու գաղափարը, որով Հայ երիտասարդը ևս մեկ անգամ կլինի պետության, եկեղեցու և հասարակության ուշադրութան կենտրոնում: Քննարկումների արդյունքում եկանք այն եզրահանգմանը, որը տոնն ամբողջությամբ կոչվի «Սիրահարների և Երիտասարդների օր»:
Հայ Առաքելական Սուրբ Եկեղեցին և Նորին Սրբությունը մշտապես Հայ երիտասարդի կողքին են, որի ևս մեկ ապացույց էր մեր այսօրվա հանդիպումը և անմիջական մթնոլորտում քննարկված հարցերը վերաբերվող հայ մարդու կրոնական դաստիարակչությանը, հոգևոր և համամարդկային արժեքները և բոլորիս՝ մեր Սուրբ Եկեղեցուն առավել մոտ գտնվելը:
Բազում մտահոգություններ կան, սակայն միասնականությամբ, վճռականությամբ և հոգևոր արժեքներին հավատարիմ մնալով կկարողանանք հաղթահարել յուրաքանչյուր դժվարություն և յուրաքանչյուր արգելք:
Կարդացեք նաև
ԱԺ ԲՀԿ խմբակցության պատգամավոր Վահե Էնֆիաջյան
