Ոստիկանները մեգաֆոններով խանգարում էին Րաֆֆի Հովհաննիսյանի ելույթը:
«Ժողովուրդ,Վաղարշապատը պաշտոնական տվյալներով հաղթել է»,- Էջմիածնում ասաց Րաֆֆի Հովհաննիսյանը:
Արմավիրում, Մեծամորում, ինչպես նաեւ Էջմիածնում հավաքը շրջապատել էին ՊՊԾ-ի մեքենաները եւ ոստիկանները: Նրանք մեգաֆոններով ինչ-որ բան էին հայտարարում, որը կապ չուներ հավաքի հետ, բայց խանգարում էին Րաֆֆի Հովհաննիսյանի ելույթին: Րաֆֆի Հովհաննիսյանն ասաց. «Էս ոստիկանները ի՞նչ են ասում: Լա՞վ բան են ասում, թե՞ վատ»:
Կարդացեք նաև
«Դու քո գործին մնա, գործ չունես դրանց հետ, ի սեր Աստծո»,- կոչ արեցին էջմիածինցիները՝ ասելով, որ ոստիկանները ճանապարհներն են հորդորում ազատել:
Րաֆֆի Հովհաննիսյանն ասաց, որ խոնարհվում է էջմիածինցիների առջեւ. «Սա ոչ Վեհափառի հարցն է, որովհետեւ իր հարցը Աստծո հետ է: Այս հարցը ոչ Սերժի եւ Րաֆֆիի, ոչ Ռուսաստանի եւ Ամերիկայի հետ է: Հայ ժողովուրդը չի վախենում ոչ Ամերիկայից, ոչ Ռուսաստանից, ոչ Չինաստանից, ոչ Եվրոպայից: Ճանաչե՛լ հայ ժողովրդի իրավունքը: Թող ամեն մեկը գնա իր շահի հետեւից, բայց առաջինն հերթին մենք մեզ հարց տվեցինք փետրվարի 18-ին: Մենք նոր ազգ դարձանք: Եվ պահանջում եմ ԱՄՆ-ից ու ՌԴ-ից ճանաչել հայ ժողովրդի հաղթանակը: Հայ ժողովուրդը հաղթել է, կեցցե Հայաստանի Հանրապետությունը, կեցցե Հայաստանը»:
Ելույթի վերջում Րաֆֆի Հովհաննիսյանն ասաց, որ Մասիսը թող պատրաստվի, ինքը գնում է այդ կեղծիքների կենտրոն:
Հռիփսիմե ՋԵԲԵՋՅԱՆ
Արամ, երևում է Ձեր թերթն էլ նախագահի ճնշումներին չի կարող հակազդել…. Աշխատում եմ Շվեդիայի Գոտենբուրգի համալսարանում, ամոթով եմ հետևում մեր մի շարք, կարելի է ասել գրեթե բոլոր լրատվական միջոցների մեկնաբանություններին. Նույն իշխանությունները, ովքեր արհամահելով գիտությունը, պատճառ հանդիսացան, որ գիտնականների զգալի մասը լքեց հայրենիքը, այսօր բանտարկել է ուսանողներին համալսարաններում՝ գիտելիքի հանդեպ հարգանքի կոչեր հնչեցնելով, իսկ Ձեր պես լրագրողներն էլ փորձում են սատարել այդ տգետներին.
Հետաքրքիր է, ինչպես եմ ես սատարում այդ տգետներին:
Լավ էս ինչ ապատեղեկատվություն է ուզում եմ ընկալել? հենց հիմա մենք Րաֆֆի կողքին ենք, ու սրանից առաջ էլ միասին էինք: Ոչ մի ոստիկան ոչ մի բարձրախոսով ոչին չի ասել, կան հայտարարել: Իմաստն եմ ուզում հասկանալ էս ապատեղեկատվության Հռիփսիմե???????
Հարգելի Anna. Եկեք փորձենք գործ անել: Ես էլ քննադատելու մեծ փորձ ունեմ, և հաճախ սխալ:
Մենք կարող ենք համախմբվել և ամեն շաբաթ մեկ օր, մեր զայրույթը արտահայտել թե՛ Մերձբալթյան և թե՛ Սկանդինավյան երկրներում,՝ այս կամ այն դեսպանատների առջև: Ինչպես ասում են ժողովրդի լեզվով,՝ էս խմորը դեռ շատ ջուր է քաշելու: