Այսօր «Հայելի» ակումբում «Ժառանգության» պատգամավոր Թեւան Պողոսյանն անդրադառնալով ՀՀ նախագահական ընտրություններին՝ ասաց, թե եղել են քվեաթերթիկներ, որոնք միտումնավոր փչացրած են եղել, ինչպես օրինակ՝ նշելով Րաֆֆի Հովհհաննիսյանին, քվեաթերթիկի վրա գրել են «ցավդ տանեմ»: Պողոսյանին զարմացրել է այս փաստը` «Այդ ինչպե՞ս է ստացվել, որ միայն Րաֆֆի Հովհաննիսյանի ցավն են որոշել տանել»:
Թեւան Պողոսյանի խոսքով` «Մենք ունենալու ենք այն համբերությունը, ուժը, ունենալով քայլերի պայքար` այս անգամ հետ չկանգնելով նպաստելու ենք մեր գործողությունների կատարմանը: Մենք պահանջատեր ենք լինելու»:
Պողոսյանը խոսելով «Ժառանգության» ծրագրերից՝ ասաց, թե գաղափար կա, որ այն քաղաքներում, որտեղ իրենք հաղթել են, այժմ քաղաքապետերը հրաժարականներ են տալիս, իսկ այդ քաղաքներում բնականաբար կլինեն նոր ընտրություններ, որտեղ էլ «Ժառանգությունը» կունենա իր թեկնածուները:
Անդրադառնալով ՀՀԿ խմբակցության պատգամավոր Հայկ Բաբուխանյանի հայտարարությանը, կապված Րաֆֆի Հովհաննիսյանին ընտրողների հետ, Պողոսյանը նշեց. «Եթե նա համարում է, որ այս երկրում 530 հազար հոգին այդպիսին է , ապա… պետք չէ վիրավորել երկրի քաղաքացուն»:
Կարդացեք նաև
Ինչ վերաբերվում է դասադուլին, ապա ըստ Պողոսյանի դա ընդունելի չէ, եթե դրանում չկա կոնկրետ պահանջ:
Եվա ՀԱԿՈԲՅԱՆ
