ԱԺ-ն սկսեց իր աշխատանքները
«Սիրելի հայրենակիցներ, շնորհավորում եմ մեզ դեպի հայոց Արարատ մեծ ծրագրի համար: Շնորհավորում ենք, որ կարողացանք Բաղրամյան 26-ում՝ ճաղավանդակների հետեւում մեկուսացնել չարը: Մենք նաեւ բռնազավթելու ենք այդ չարից նրան: Դեպի մեծ վերադարձի ծրագիր: Շնորհավորում եմ այն քաղաքացուն, ով ընտրեց ազատ, անկախ Հայաստանում: Կեցցե Հայաստանը»,-այսօր ԱԺ նիստում «Ժառանգության» պատգամավոր Զարուհի Փոստանջյանը վարման կարգի վերաբերյալ իր ելույթում այսպիսի շնորհավորանքներ ուղղեց:
ԱԺ փոխխոսնակ Էդուարդ Շարմազանովը կոչ արեց խոսել ըստ էության. «Հայաստանը միշտ կեցցե, իսկ սերն է, որ կփրկի աշխարհը»:
Ռուբեն Հակոբյանը նույնպես իր խոսքում շնորհավորեց Րաֆֆի Հովհաննիսյանին՝ ՀՀ նախագահ ընտրվելու կապակցությամբ. «Մենք Սահմանադրության շրջանակներում ամեն ինչ անելու ենք, որ ժողովրդի քվեով ընտրված նախագահ Րաֆֆի Հովհաննիսյանը կարողանա ապահովել մեր պետության մեջ վերջապես ժողովրդի քվեով իշխանություն ձեւավորելու ավանդույթը»:
Կարդացեք նաև
Այս դիտարկմանն էլ միջամտեց ՀՀԿ խմբակցության ղեկավար Գալուստ Սահակյանը՝ ասելով. «Ես հասկանում եմ մեր գործընկերներին, բայց ՀՀ նախագահ ընտրվել է Սերժ Սարգսյանը: Ես գիտեմ մի բան, չարի վերջը գալու է, քիչ չարություն արեք»:
Հռիփսիմե ՋԵԲԵՋՅԱՆ
Տեսանյութը՝ «Ա1+»-ի
