«Ցինիզմը, դեմագոգիան եւ անբարոյականությունը պետք է չափ ունենան եւ սահման»
«Ես այնքան բարձր եմ գնահատում Լեւոն Տեր-Պետրոսյանի վաստակը` Հայաստանի անկախության վերականգնման եւ Արցախի ազատագրման գործում, որ ինձ թույլ չեմ տա մեկնաբանել իր ելույթը»,- Aravot.am-ի հարցին լեւոնտերպետրոսյանաբար արձագանքեց ՀՀ նախկին արտգործնախարար, ՀՀՇ վարչության նախկին անդամ Ալեքսանդր Արզումանյանը:
Հիշեցնենք, որ երեկ ՀՀՇ վերջին համագումարում Լեւոն Տեր-Պետրոսյանն ասել էր . «Վանո Սիրադեղյանի՝ երկիրը լքելուց հետո, այս կուսակցությունը դարձել էր լավագույն դեպքում մի գեղական կլուբ , աղանդ: Ի՞նչ քաղաքական գործունեություն է ծավալել ՀՀՇ-ն 2000-2007 թվականներին: Եթե անկեղծ ենք խոսում, դա ՀՀՇ-ի պատմության ամենախայտառակ շրջանն է: Ի՞նչ արեց՝ իմիտացիա, պարբերական համագումարներ, ճառեր, կենացներ, անցյալի հիշողություններով հպարտացողներ, մասնակցեց ընտրություններին, ունեցավ խայտառակագույն արդյունքներ՝ մեկ տոկոսից ցածր կամ դրա շուրջ»:
Ինչ վերաբերվում է համագումարին եւ որոշմանը`ՀՀՇ կուսակցությունը վերանվանել ՀԱԿ կուսակցության, Ալեքսանդր Արզումանյանն ասաց. «Ես միշտ այն կարծիքին եմ եղել, որ նույնիսկ այնպիսի մերժելի հասկացությունները կամ երեւույթները, ինչպիսիք են ցինիզմը, դեմագոգիան եւ անբարոյականությունը, պետք է չափ ունենան եւ սահման: Բայց, ինչպես ասում են, քանի ապրես` այնքան պիտի սովորես»:
Կարդացեք նաև
Նելլի ԳՐԻԳՈՐՅԱՆ
Ինչ հավասարակշիռ եք,Ինչքան զուսպ եք;Առաջին նախադասությունն էլ բավական էր ամեն ինչ ասած լինելու համար;Նույնն եմ մտածել;Ձեր լռության մեջ ինչ խտացված վերլուծություն կա;
Լևոնը ասելիք ունի թող Արկադի տեր Թադևոսյանին պատասխանի;Մարդը փաստերով էր խոսում, Սերժի պես չէր սարքում;Ճշտից ուր են փախչելու;Ճիշտը միակ բանն է, որի համար արժե և հայրենասեր լինել և թշնամի;Հիմա նրա ճիշտը ո*րն է;