Այսօր ՀՀՇ համագումարում ՀԱԿ կուսակցություն ստեղծելու նախաձեռնությանը 3 ձեռնպահ քվեարկածներից մեկը ՀՀՇ վարչության անդամ Հովհաննես Իգիթյանն էր:
«Ցավոք այլ կարծիք այստեղ չքննարկվեց: Ասում են՝ ինչ-որ ժողովներում դա քննարկվել է: Բայց անվանափոխության հարցն ենք քննարկում, կարծում եմ՝ եթե նոր կուսակցություն ստեղծելու նախաձեռնություն է կամ կուսակցությունը փակելու մասին է պետք է առանձին քննարկեինք: Ցանկացած ավտորիտարիզմ կուսակցության մեջ չեմ ընդունում, կարելի է հարգել, վստահել, բայց քծնել ու միանշանակ ընդունել մեկի ասածը, ուզում է հանճարեղ մարդ լինի, ես կտրականապես մերժում եմ: Մտավախություն ունեմ՝ հանկարծ այս նոր կուսակցությունը հետագայում չդառնա ավտորիտար: Կուսակցության մեջ պետք է կոլեգիալ որոշումների ընդունման սկզբունք լինի,- ՀՀՇ համագումարից հետո Aravot.am-ի հետ զրույցում ՀԱԿ կուսակցության մասին ասաց ՀՀՇ վարչության անդամ Հովհաննես Իգիթյանը:
Նրա խոսքերով, երբ կուսակցությունում որոշումներն ընդունվում են միաձայն ու առանց բանավեճերի, դա արդեն լուրջ ահազանգ է:
Մեր հարցին կանդամագրվե՞ք նոր կուսակցությանը, նա պատասխանեց՝ չգիտեմ. «Եթե պարզվի, որ ավտորիտար կուսակցություն է, ես չեմ անդամագրվի»:
Կարդացեք նաև
Ինչպես արդեն տեղեկացրել ենք, այսօր համագումարի ժամանակ մի քանի ՀՀՇ-ական միայն մտահոգություն հայտնեց:
ՀՀՇ-ականներից մեկն էլ զայրացած հարցրեց. «Արդյոք իրավունք ունեի՞ք առանց համագումարի նախաձեռնող խումբ կազմել Հայոց համազգային շարժումը ցրելու համար»:
ՀՀՇ վարչության նախագահ Արամ Մանուկյանն էլ հորդորեց չխեղաթյուրել իրականությունը. «ՀՀՇ-ն ցրելու բառ անգամ չի եղել»:
Արփինե ՍԻՄՈՆՅԱՆ
Շարժման քսանհինգ ամյակի կապակցությամբ Լևոնը թաղեց ոչ իր ստեղծած ՀՀՇ-ն, որը քիչ թե շատ ժողովրդավարություն պահպանել էր: Ամեն ինչ փչացնող ու քանդող Լևոնը ստեղծեց իր հլու հնազանդների կուսակցություն….