«ՀԱԿ կուսակցությունը պետք է պահպանի լիբերալ մոտեցումները, ունենալով համաժողովների ինստիտուտներ: Այս քայլի արդյունքում ՀՀՇ կուսակցությունը չի լուծարվում, այն պահպանում է իր քաղաքական, սեփականատիրական բոլոր տեսակի իրավունքներն ու պարտավորությունները: Ստեղծված կառույցը լինելու է ՀՀՇ-ի իրավահաջորդը» ,-այսօր ՀՀՇ արտահերթ համագումարի ժամանակ ասաց ՀՀՇ վարչության նախագահ Արամ Մանուկյանը:
Նրա խոսքերով. «Շատ ենք սիրում մեր կուսակցությունը եւ հարգելով մեր կուսակցական ընկերների մտահոգությունները՝ գտնում ենք, որ փոփոխությունները իրատեսական են: Հաշվարկի արդյունքում, այդ փոփոխությունը հասունացել է եւ ՀՀՇ-ն կարծում է, որ համագումարը կողմ կքվեարկի պատմական եւ համարձակ այս քայլին»:
ԱԺ նախկին նախագահ Բաբկեն Արարքցյանն էլ հետաքրքրվեց՝ ի՞նչն է խանգարում, որ ՀՀՇ-ի շրջանակներում կատարվեցին այդ բարեփոխումները:
ՀՀ առաջին նախագահ Լեւոն Տեր-Պետրոսյանն էլ նկատողություն արեց. «Սա արդեն ելույթի է վերածվում, ամեն զեկուցումից հետո հարց տալը արդեն ելույթ է»:
Կարդացեք նաև
Հովհաննես Իգիթյանն էլ հետաքրքրվեց. «Ասում եք՝ բազմաթիվ մարդիկ պատրաստ են մտնել ՀՀՇ-ի մեջ, այդ դեպքում ի՞նչ բարդույթ ունեն հիմա մտնելու, ինչու են ասում՝անունը փոխենք, մենք կմտնենք»:
«ՀԱԿ դաշինքի մեջ 3-4 անգամ ավելի են ակտիվիստները, քան մնացած բոլոր կուսակցություններում միասին վերցրած: Այս մարդիկ մտել են ՀԱԿ, իրենց պայքարն այստեղ են պատկերացնում, նույն մարդիկ այլ կուսակցություններից իրենց ավելի ազատ զգալու համար ընտրում են այս տարբերակը: Այսկերպ դաշտն ազատվում է: Իշխանությունները ստեղծելու են կեղծ դիմադիր դաշտ եւ փորձելու են մեր ակտիվիստներին տանել: Նոր կառույցով նոր պատասխանատվությամբ պետք է պահենք մեր ռեսուրսները: Այս դեպքում մուտք դեպի նոր կուսակցություն՝ ավելի շատ հայտեր կլինեն»,- հարցերին պատասխանեց Ա. Մանուկյանը:
Շահեն Պետրոսյանն էլ պնդեց՝ հիմնավորումները համոզիչ չեն. «Վտանգ չե՞ք զգում, որ սերնդափոխություն անելով մեր կառույցում հին սերնդի ներկայացուցիչներից շատերին էլ կստիպի դուրս գալ կառույցից»:
«Բոլոր տարբերակները քննարկել ենք, բոլոր հնարավոր կորուստները եւս քննարկել ենք: Մտավախություն չունենք, այդպիսի վտանգ չկա: Երբ միայն փոխում է անունը, այդ դեպքում մեր կուսակցությունից կորուստներ չենք ունենա, եթե նախաձեռնության արդյունքում 1000 հոգի ներս մտնի, իսկ երկու հոգի խռովի, գնա ես ներողություն եմ խնդրում…»:
Արփինե ՍԻՄՈՆՅԱՆ
Եթե պ-ն Տեր-Պետրոսյանը կարծում է,թե ՀՀՇ աբրեվիատուրան ՀԱԿ-ով փոխարինելով, մարդկանց հիշողությունից կջնջվեն նրա կառավարման օրերից մնացած վախերը, հիշողություններն ու դառնությունները,ապա դա քաղաքական գործիչի մոտեցում չէ: Ինչպես ասում են` ՀՀՇ-ն –Աֆրիկայում էլ ՀՀՇ է, թեկուզ և ՀԱԿ կամ ՍՄԿԿ անվանումով:Միթե? ,,մտքի հանճարը,, չի հասկանում, որ փոխում են գաղափարափոխությունը այլ ոչ թե անվանումը:Դժվար թե որևէ մեկը իր տան վերանորոգման ժամանակ հին պաստառները (обои) ներկի և հարևաններին հպարտությամբ ցույց տա,ասելով,թե տեսեք, ինչ շքեղ ՌԵՄՈՆՏ եմ արել: Ծերանում ենք,Լևոն պապիկ,ծերանում ենք,ու ոչ մի կերպ չենք հանդարտվում: (Վերջին նախադասությունը, համարյա ըստ Պ.Սևակի–ականջը կանչի!!!):