«Ժառանգության» մարտավարությամբ բացառվում է որեւէ գործողություն, որի արդյունքում մի քաղաքացու գլխից մի մազ ընկնի: Այսօր Aravot.am-ի հետ զրույցոււմ ասաց «Ժառանգություն» կուսակցության անդամ Անահիտ Բախշյանը: Նա չհստակեցրեց, թե ինչ ծրագրով են պատրաստվում ղեկավարել իրենց շուրջ համախմբված ժողովրդական շարժումը, ասաց կուսակցության ղեկավարը պարբերաբար անելիքների, ծրագրի մասին կխոսի ժողովրդի հետ:
Տիկին Բախշյանը անուղղակիորեն հաստատեց մամուլում շրջանառվող տեղեկությունները, թե ՀՀ նախագահ Սերժ Սարգսյանը երեկ Րաֆֆի Հովհաննիսյանի հետ հանդիպման ժամանակ հետընտրական զարգացումների 3 սցենար է ներկայացրել: Համագործակցել ՀՀԿ-ի հետ ու միասին աշխատել, ընդունել, որ երկրորդ տեղն է զբաղեցնում եւ շարունակել քաղաքակիրթ պայքարը, այլապես իր համախոհների հետ պայքարը շարունակելու եւ օրինականության սահմանները խախտելու դեպքում կստանա արմատական քայլեր ու որոշումներ իշխանությունների կողմից:
Վերջին սցենարը տիկին Բախյանի խոսքերով սպառնալիք էր «Ժառանգությանը». «Դա մենք հասկացանք, որ շատ լուրջ սպառնալիք է: Իսկ ես կարծում էի, որ առնվազն պիտի խուսափեն գոնե այդպիսի բան ասելուց, 2008-ի մարտի 1-ը դեռ Սերժ Սարգսյանի վրան է: Ինքը չի թոթափել, ինձ թվում է՝ ամեն ինչ պետք է աներ, որ խուսափեր»:
Կարդացեք նաև
Արփինե ՍԻՄՈՆՅԱՆ
