«Սերժ Սարգսյանը մինչ ընտրությունները կոչ էր անում մեզ իրականացնել Սահմանադրական հեղափոխություն, բայց իրականացրեց կրիմինալ հեղափոխություն, իսկ Սահմանադրական հեղափոխությունը իրականացնում ենք այստեղ մենք միասին: Խախտումների համար պատասխան են տալու ոչ թե սամասուդով, այլ ՀՀ քաղաքացիների առաջ՝ օրենքով»,- իր ելույթում այսօր Ազատության հրապարակում նշեց Հովսեփ Խուրշուդյանը:
«Ժառանգություն» խմբակցության պատգամավոր Թեւան Պողոսյանի խոսքերով՝ «Բացեք դռները, լույսը շեմին է: Կեցցե նոր Հայաստան»:
Քաղաքացիական ակտիվիստ Ռուզաննա Գրիգորյանը, որը ԵԱՀԿ/ԺՀՄԻԳ-ի ասուլիսն ընդհատողներից մեկն էր, ասաց. «ՀՀ քաղաքացիների մեխամասնությունը իր ձայնը տվել է Րաֆֆի Հովհաննիսյանին: Մենք բազմաթիվ ընտրատեղամասերում ականատես ենք եղել, թե ինչպես են կեղծվել ընտրությունները, հետեւաբար այս ընտրությունների պաշտոնական արդյունքները չեն արտահայտում քաղաքացիների կամքը»:
Ռուզաննան կոչ արեց բոլոր երիտասարդներին ու քաղաքացիներին պահանջել, որ չեղյալ ճանաչեն այս ընտրությունները:
Կարդացեք նաև
Արմեն Մարտիրոսյանը անդրադարձավ Շիրակի մարզպետի հրաժարականին. «Ցավալի է, որ հրաժարական է տալիս ոչ թե նրա համար, որ իրենց մարզում քիչ թե շատ նորմալ ընտրություններ են անցել, այլ կուսակցական պարտականությունը չկատարելու համար: Ուրեմն ո՛չ այդպիսի աշխատանքին, ամո՛թ այդպիսի աշխատանքին»:
Ելույթ ունեցավ Անդրիաս Ղուկասյանը, որին ընդունեցին բուռն ծափողջույններով:
Հռիփսիմե ՋԵԲԵՋՅԱՆ
