Այսօր «Հենարան» ակումբում «Ժառանգություն» կուսակցության վարչության փոխնախագահ Արմեն Մարտիրոսյանը հայտարարեց, որ չնայած քաղաքապետարանի մերժմանը՝ իրենք շարունակելու են հանրահավաքներ անել Ազատության հրապարակում: Ճշտմանը, այսինքն, անկախ քաղաքապետարանի որոշումից դուք նորից կազմակերպելո՞ւ եք հանրահավաք, Արմեն Մարտիրոսյանը պատասխանեց. «Ապրի արեւդ»:
Նրա բացատրելով՝ «Միջազգային օրենքները գերակայություն ունեն մեր օրենքների նկատմամբ, իսկ միջազգային կոնվենցիայով մենք խաղաղ հանրահավաքի իրավունք ունենք»: Մեր հարցին, այդ դեպքում, եթե հաշվի չի առնվում քաղաքապետարանի կարծիքը, ինչո՞ւ եք դիմում՝ նա պատասխանեց, որ դա արվում է կազմակերպչական հարցերը լուծելու համար:
Ըստ քաղաքապետարանի, ժամկետը խախտվել է դիմելու, քանի որ պետք է դիմեին ոչ ուշ քան 7 օր առաջ եւ ոչ շուտ, քան 30 օր առաջ: Այդ պատճառաբանությամբ էլ մերժվել էր «Ժառանգության» խնդրանքը:
Հռիփսիմե ՋԵԲԵՋՅԱՆ
