«Շիրակ կենտրոնի» աշխատակիցներն այս օրերին շարունակում են Գյումրու վագոն-տնակներում բնակվող ընտանիքներին բաժանել ամերիկահայ բարերար Էլվիս Մադաթյանի ու նրա գործընկերների կողմից Լոս Անջելեսի AMGA հեռուստատեսությամբ, փետրվարի 10-ին կազմակերպված բարեգործական հեռուստամարաթոնի ժամանակ հավաքված դրամական միջոցներով գնված վառելափայտը: Հեռուստամարաթոնի գումարներով ձեռք բերված փայտը քաղաքի տարբեր տնակային ավաններում պարկերով բաժանվել է 10 ընտանիքների:
Վառելափայտի բաժանման մասին պատմող տեսանյութը ներկայացնում ենք առանց մեկնաբանության: Ավելացնենք միայն, որ Գյումրու անօթևան ընտանիքներին վառելափայտի տրամադրումը կրելու է շարունակական բնույթ:
