Այսօր կենտրոնական ընտրական հանձնաժողովը մերժեց տեղամասերում սկսված քվեաթերթիկների վերահաշվարկը դադարեցնելու պահանջով ՀՀ նախագահի թեկնածու Րաֆֆի Հովհաննիսյանի նախընտրական շտաբի համակարգողի դիմումը:
Հանձնաժողովի նախագահ Տիգրան Մուկուչյանը հիշեցրեց, որ թիվ 2 եւ 3 ընտրատարածքի մի քանի տեղամասերում երեկ կազմակերպված վերահաշվարկին «Ժառանգության» ներկայացուցիչները մասնակցել են ու հերքեց «Ժառանգության» տարածած տեղեկատվությունը, որ վերահաշվարկ է անցկացվում առանց իրենց:
Պարոն Մուկուչյանը նաեւ բացատրեց, թե ինչու են մերժել այլ տեղամասերում վերահաշվարկ անցկացնելու «Ժառանգության» ներկայացուցիչների այլ դիմումները: Նրա խոսքերով, Ընտրական օրենսգրքի համաձայն, ընտրատեղամասում քվեարկության արդյունքներն անվավեր ճանաչելու դիմում ընտրատարածքային ընտրական հանձնաժողով կարող են ներկայացնել քվեարկության միայն հաջորդ օրը՝ ժամը 12-ից մինչեւ 18:00 , ինչը «Ժառանգության» ներկայացուցիչները չեն կատարել:
Կարդացեք նաև
Արփինե ՍԻՄՈՆՅԱՆ
