Այսօր ՀՀ Գիտությունների ազգային ակադեմիայում տեղի ունեցած գիտաժողովում հայտարարել է սփյուռքի նախարար Հրանուշ Հակոբյանը: Գիտաժողովը, որը կրում էր «Լեզվաքաղաքականության արդի խնդիրներ» խորագիրը, անցկացվում էր Մայրենիի օրվա միջոցառումների շրջանակներում: ԳԱԱ նիստերի դահլիճում այսօր ներկա էին լեզվաբաններ ու բանասերներ Հայաստանից և Սփյուռքից:
Գիտաժողովի ընթացքում ՀՀ սփյուռքի նախարար Հրանուշ Հակոբյանը նախարարության եւ Մխիթարյան Միաբանության հետ համատեղ մշակած «Հակոբ Մեղապարտ» շքանշանով պարգեւատրեց հայագիտության տարածման մեջ իրենց ներդրումն ունեցած մարդկանց` Ամենայն հայոց կաթողիկոս Գարեգին 2-րդին, ԵՊՀ ռեկտոր Արամ Սիմոնյանին եւ այլոց:
Գիտաժողովի երկրորդ մասը նվիրված էր հրավիրվածների զեկույցներին: Առաջինը ելույթ ունեցավ ՀՀ ԳԱԱ լեզվի ինստիտուտի տնօրեն Վիկտոր Կատվալյանը:
«Այժմ հայոց լեզվի աղավաղում է տեղի ունենում, որը ակնհայտ է նույնիսկ հայոց լեզվի դասագրքերում, պաշտոնական տեղեկագրերում: Սրա պատճառներից մեկը կրթական թերի համակարգն ու ընդունելության հարցաշարերն են»,-իր ելույթում նշեց բանասերը: Գիտաժողովի ընթացքում զեկույցներով ներկայացան նաեւ Լեզվի պետական տեսչության պետ Սերգո Երիցյանը, ԳԱԱ Մ. Աբեղյանի անվան գրականության ինստիտուտի տնօրեն Ավիկ Իսահակյանը եւ այլք:
Կարդացեք նաև
Մարինե ԱՂԱՍՅԱՆ
