Հայաստանում ապաստանած սիրիահայերի օգնության տարաբնույթ ծրագրերը շարունակվում են: Հայաստանի կառավարության, ՀՀ սփյուռքի նախարարության «Սիրիահայերի հիմնախնդիրների համակարգման կենտրոն» հասարակական կազմակերպության, ՀԲԸՄ-ի, Հայաստանյայց Առաքելական Սուրբ Եկեղեցու, հասարակական և բարեսիրական այլ կազմակերպությունների միջոցով ցուցաբերվող օգնությանը ավելացավ ևս մի ծրագիր:
Գերմանահայ գործարար Սուրեն Օհանյանի նվիրատվությամբ, ՀԲԸՄ Հայաստանի ներկայացուցչությունը «Սիրիահայերի հիմնախնդիրների համակարգման կենտրոն» հասարակական կազմակերպությանը մեծ քանակությամբ ձմեռային տաք հագուստ է տրամադրել, որը նախատեսված է բոլոր տարիքային խմբերի համար: Հագուստը սիրիահայերին կբաշխվի երկուշաբթի, չորեքշաբթի ևուրբաթ օրերին, ժամը 11-ից մինչեւ ժամը 16:00-ը` ՀԲԸՄ սիրիահայերի օգնության օժանդակ հանձնախմբի անդամների, ՀԲԸՄ կամավորների ու «Սիրիահայերի հիմնախնդիրների համակարգման կենտրոն» հասարակական կազմակերպության աշխատակիցների միջոցով, ՀԲԸՄ-Մայր Աթոռ Ս. Էջմիածնի Նոր Նորքի Հայորդյաց տանը (հասցե` Նոր Նորքի 7-րդ միկրոշրջան, Դավիթ Բեկի 50):
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՍՓՅՈՒՌՔԻ ՆԱԽԱՐԱՐՈՒԹՅՈՒՆ
