«Լեւոն Տեր-Պետրոսյանն ասաց այն, ինչ ասաց: Ես չեմ կարծում, որ դա իմ մեկնաբանությունների կարիքն ունի: Յուրաքանչյուրը տարբեր կերպ կարող է դա հասկանալ: Նաեւ՝ թե ինքն ի՞նչ է ուզում տեսնել այդ ասվածի տակ»,- ասաց ՀԱԿ անդամ Լյուդմիլա Սարգսյանը՝ պատասխանելով «Առավոտի» հարցին՝ սարկազմ եւ հեգնանք չէ՞ր առաջին նախագահ Լեւոն Տեր-Պետրոսյանի հայտարարությունը նախագահի թեկնածուների եւ իր ընտրության մասին, որը նա արեց ընտրությունների օրը՝ իր քաղաքացիական պարտքը կատարելուց հետո: Հիշեցնենք, որ Տեր Պետրոսյանն ասել էր, թե նախագահի թեկնածուները մեկը մյուսից լավն են, եւ եթե ինքը հնարավորություն ունենար, բոլորին էլ կընտրեր:
«Առավոտ» օրաթերթ
