Ազգային ժողովի նիստերից բացակայող պատգամավորների բացակայությունը կարող է համարվել հարգելի, եթե պատգամավորների մեծամասնությունը քվեարկության արդյունքում որոշի, որ տվյալ պատգամավորի բացակայությունը հարգելի է:
Այսօր ՀՀ կառավարության նիստում արդարադատության նախարար Հրայր Թովմասյանը վարչապետ Տիգրան Սարգսյանին առաջարկեց Ազգային ժողովի կանոնակարգում փոփոխություն մտցնել, համաձայն որի, պատգամավորների բացակայությունները հարգելի-անհարգելի համարելու վերջնական եզրակացությունը վերապահվի ԱԺ էթիկայի հանձնաժողովին:
Որոշման նախագծի հեղինակներն, ըստ պարոն Թովմասյանի, ՀՀԿ խմբակցության պատգամավորներ Դավիթ Հարությունյանն ու Արփինե Հովհաննիսյանն են:
Հրայր Թովմասյանն իր առաջարկը հիմնավորեց մի շարք եվրոպական երկրների փորձով, ինչը ցույց է տվել, որ առավել արդյունավետ կառավարում է ապահովում: Այս նախաձեռնության առանցքային կետերից մեկը, ըստ Հրայր Թովմասյանի, փոքրամասնության իրավունքների պաշտպանությունն է:
Կարդացեք նաև
Լուսինե ԲՈՒԴԱՂՅԱՆ
