Անահիտ Բախշյանը պատմեց, թե ինչպես են «ՀՀԿ-ական ցմփորները» մեկ-մեկ մաքրել Րաֆֆի Հովհաննիսյանի քվեաթերթիկները:
«Մեջս մի փոթորիկ կա, որի անունը չգիտեմ ինչ է, բայց որը պատրաստ է ժայթքելու: Չեմ կարողանում անարդարությունը հանդուրժել այլեւս»,- հանրահավաքում ասաց Անահիտ Բախշյանը:
Նրա խոսքերով՝ «Շնորհավորելով մեր նախագահին՝ Րաֆֆի Հովհաննիսյանին, ես իմ բոլոր հույսերը, ակնկալիքները, երազանքները եւ ինչու չէ՝ իմ ամուսնուն սպանողներին, սպանդը կազմակերպողներին գտնելու ամբողջ հույսը կապում եմ պարոն Հովհաննիսյանի հետ: Ժողովուրդ, իմ խոսքի մեջ անպայման ուզում եմ ասել՝ մեր վստահված անձերից մեկը՝ շատ հավատարիմ, քաջ աղջիկ Արմինեն Սարի թաղում, երբ տեսել է փեսայի թաղում էս ցմփորները ոնց են ջանասիրաբար բերում մարդկանց, ասում է՝ մի պահ անզորությունից սկսեցի լաց լինել, կողքի ՀՀԿ-ականները ասել են՝ խեղճ աղջիկ, երեւի քո առաջ տոկոս են դրել, որ այսքան ձայն բերես, դրա համա՞ր ես լաց լինում»:
Կարդացեք նաև
Նրա պատմելով՝ հետո Արմինեն իրեն հավաքել է եւ «այդ ցմփորներին» այնպես է կարգի բերել, որ մեկ-մեկ Րաֆֆիի քվեաթերթիկները սրբելով ու հաշվելով՝ դրել են իրենց տեղը:
Րաֆֆի Հովհաննիսյանը նրա ելույթից հետո ասաց. «Ողջունեք՝ ապագա նախարարին»:
Հռիփսիմե ՋԵԲԵՋՅԱՆ
ԱՆԱՀԻՏ ԲԱԽՇՅԱՆԸ որպես նախարար ծնվել է, որպես նախարար էլ դիտվում է և ընկալվում;Հավատարմությունն է նրա կնքահայրը, բարոյականությունը` նրա կնքամայրը;Աչքերում էլ` ու~, խորություն կա …