«Չի լինելու առաջին տիկին, քանի որ առաջին տիկինը տան հարսն է, կինն է, աղջիկն է: Քանի որ առաջին տիկին չի լինելու, մի անգամ իմ շեֆին ձեզ ներկայացնեմ՝ Արմենուհուն»,- հանրահավաքի ընդմիջումից հետո հայտարարեց Րաֆֆի Հովհաննիսյանը:
Նա ասաց. «Թող հիմա արդեն Հանրապետականները պատրաստվեն փոքրամասնություն դառնալու, քանի որ ժողովուրդն է մեծամասնություն: Այս պայքարը, որ դառնալու է բոլորիս հաղթանակը, հաղթելու է բոլորին: Ով յուրացրեց իշխանությունը, ով իրեն պետության եւ Սահմանադրության տեղ դրեց՝ պատասխան է տալու: Մնաց 5 րոպե նախագահին»:
Հիշեցնենք, որ Րաֆֆի Հովհաննիսյանը ժամանակ էր տվել Սերժ Սարգսյանին մինչեւ այսօր ժամը 6-ը: Մնաց նրան 5 րոպե. «Էդ ո՞նց են շամպայն խմում, էդ ո՞նց են հավաքվում ժողովրդի ձայնը խլելուց հետո»,- հեգնեց նա:
Հռիփսիմե ՋԵԲԵՋՅԱՆ
