Թիվ 2/3 տեղամասում եղել են ընտրողներ, որոնք նախագահի 8 թեկնածուների փոխարեն նախընտրել են Պապ թագավորին, Սերժ Սարգսյանի փեսային՝ Միքայել Մինասյանին:
Այսօր թիվ 2 ընտրատարածքի 2/3 տեղամասում քվեաթերթիկների
վերահաշվարկի ժամանակ այս զավեշտալի քվեարկությունը հիշեցին հանձնաժողովականները:
Վերահաշվարկի ժամանակ, բացի զավեշտալի դեպքերը մտաբերելուց, «Ժառանգություն» կուսակցության ներկայացուցիչ Ստյոպա Սաֆարյանն ու հանձնաժողովականները երկար բանավիճում էին՝ Սերժ Սարգսյանի օգտին քվեարկած թերթիկներից առանձնացված երեք թերթիկները համարե՞ն անվավեր, թե՞ ոչ: Քվեաթերթիկներից մեկի նշումը պարոն Սաֆարյանը նմանեցնում էր Ս տառի, իսկ հանձնաժողովականները՝ լատինատառ V էին համարում ու բացատրում ընտրողի ձեռքի դողալու հետեւանք:
Կարդացեք նաև
«Ս տառն է գրել, ծիտիկ չէ, սա կատարյալ անվավեր է, հարգելիներս: Այսինքն՝ այբուբենի բոլոր տառերը կարելի է գրել վանդակում եւ դրանք բոլորը վավե՞ր են, կեցցեք»,- ասաց պարոն Սաֆարյանը՝ հակադարձելով հանձնաժողովականներին, որոնք երկար պնդելուց հետո վավեր թերթիկ համարեցին:
Մի քանի թերթիկ էլ վավերության կասկածանքով Րաֆֆի Հովհաննիսյանի քվեաթերթիկներից էին առանձնացրել: Այդ թերթիկներում նշումը մուգ էր, եւ հանձնաժողովականները անվավեր լինելու հիմնավորում չունենալով՝ վավեր ճանաչեցին. «Այսպես ասած, մատի փաթաթան չենք դարձնում, ասում ենք՝ հալալ է այդ մարդուն, թող իր ձայները տանի»:
Վերահաշվարկի վերջում պարոն Սաֆարյանը եւ հանձնաժողովականները նաեւ սկսկեցին վիճել:
Մանրամասները՝ տեսանյութում
Արփինե ՍԻՄՈՆՅԱՆ
