ՀԱԿ պատգամավոր Լյուդմիլա Սարգսյանը չի կիսում այն կարծիքը, որ 2008 թվականի նախագահական ընտրություններին Լեւոն Տեր-Պետրոսյանն ավելի քիչ ձայն էր հավաքել, քան այժմ Րաֆֆի Հովհաննիսյանը: Նկատենք, որ ըստ պաշտոնական թվերի՝ 2008-ին Լեւոն Տեր-Պետրոսյանը հավաքել էր 351 222 ձայն, իսկ Րաֆֆի Հովհաննիսյանն այս ընտրություններում հավաքել է 536 769 ձայն: Այն ժամանակ Լեւոն Տեր-Պետրոսյանը համարվում էր «հաղթող» թեկնածու, իսկ այժմ, նաեւ Լեւոն Տեր-Պետրոսյանի եւ ՀԱԿ-ի գնահատականներով, Րաֆֆի Հովհաննիսյանը համարվում էր «ոչ մրցակցային» թեկնածու: «Նախ՝ դա այդպես չէ: Ես վստահ չեմ, որ Րաֆֆին հավաքել է այդքան ձայն, իսկ Լեւոն Տեր-Պետրոսյանն էլ այնքան էր հավաքել: Բայց այն ժամանակ այլ խնդիր էր լուծվում, հիմա՝ այլ: Այն ժամանակ բոլոր քաղաքական ուժերից թեկնածուներ կային, այդ թվում նաեւ ընդդիմադիր ներկայացող Արթուր Բաղդասարյանը: Այսինքն՝ այն ժամանակ մրցակցություն կար, եւ Սերժ Սարգսյանն իրական մրցակցին ոչնչացնելու խնդիր էր դրել: Րաֆֆիի պարագայում Սերժ Սարգսյանը վտանգ չէր տեսնում: Այս դեպքում նրան միայն պետք է ֆոն եւ ակտիվություն: Ստացավ»,- ասաց Լյուդմիլա Սարգսյանը:
Ընտրական եւ հետընտրական գործընթացների վերաբերյալ
ՀԱԿ անդամի այլ դիտարկումները՝ վաղվա «Առավոտում»:
«Առավոտ» օրաթերթ
արթուր բաղդասարյանի տարբերությունը,՝ թոխմախի յալլայից և նրա նմաններից այն է, որ սա
կարողանում է իր դավաճանությունները ճարտար խոսելավոճով լղոզել;