Այսօր «Հայելի» ակումբում «Ժառանգություն» կուսակցության նախկին պատգամավոր, Կրթության ազգային ինստիտուտի փոխտնօրեն Անահիտ Բախշյանը նշեց, որ ընտրությունների ժամանակ հանձնաժողովներում, իրենց անդամներից ոչ բոլորն են կարողացել պահել իրենց ձայները. «Քարոզարշավի ընթացքը շատ տպավորիչ էր, խելացի, որի արդյունքը եղան մեր արձանագարած ձայները:
Բախշյանի խոսքով`«Ընդդիմադիր դաշտը, որը Հայաստանում գոյություն ունի, տարբեր հայտարարությունների տեսքով հանդես եկավ ընտրություններից առաջ, կոչեր եղան չմասնակցել ընտրություններին, բայց քվեարկելով Րաֆֆի Հովհաննիսյանի օգտին, անշուշտ ժողովուրդը «ոչ» ասաց իշխանությանը, բայց այն, որ Րաֆֆիին հաջողվեց համոզել ժողովրդին, որ «դու ես քո ձայնի տերը»` դա ակնհայտ է»:
Բախշյանը հայտարարեց, որ այս անգամ «ոչ մի սցենար չի կրկնվելու» եւ այսօր ժամը 17:00-ին Րաֆֆի Հովհաննիսյանը կասի, թե ինչ է եղել երեկ երեկոյան ու այսօր առավոտյան. «Նա իր ժողովրդին փորձության չի տանելու, բայց ամեն քաղաքակիրթ ճանապարհով այնպիսի տարբերակ է լինելու, որ բոլորս կզարմանանք, իսկ նպատակը` իշխանությունը ժողովրդին փոխանցելն է: Րաֆֆին գաղտնի բաներ չի անելու, չի թողնելու, որ ականջին փսփսան: Այն ինչ կասեն նրան, նա հրապարակում կհայտարարի»:
Բախշյանի խոսքով` դիտորդների այն խոսքը, թե ընդդիմության այսչափ տոկոսը դեղին քարտ է իշխանության համար` դա իրոք այդպես է, եւ իշխանությունն ուղղակի չի կարող հաշվի չնստել ժողովրդի հետ:
Կարդացեք նաև
Եվա ՀԱԿՈԲՅԱՆ
