Արաբկիր եւ Քանաքեռ-Զեյզթուն վարչական շրջանների ընդհանուր իրավասության դատարան չէին ներկայացել «Արմենպրես» գործակալության նախկին տնօրեն Տիգրան Հակոբյանի դեմ հարուցված քրեական գործով տուժողները, տուժողի ներկայացուցիչները, ինչպես նաեւ Տիգրան Հակոբյանի պաշտպան Սեյրան Գրիգորյանը: Դատավոր Արմեն Խաչատրյանի հարցին, թե որտեղ է պաշտպանը, Տիգրան Հակոբյանն ասաց, որ երեկ նա վատառողջ էր, իսկ այսօր էլ նրանից տեղյակ չէ: Դատավորն առաջարկեց փոխարինել պաշտպանին, ինչին չհամաձայնվեց Տ. Հակոբյանը: Դատական նիստը հետաձգվեց, իսկ այդ պահին էլ դատարան ներկայացավ տուժողի ներկայացուցիչը, որին նախազգուշացվեց ուշացման մասին:
Հիշեցնենք, որ Տիգրան Հակոբյանը կալանավորվեց 2 ամսով 184 մլն դրամի յուրացման հետ կապված, սակայն կալանքը փոխարինվեց ստորագրություն չբացակայելու մասին խափանման միջոցով, հետագայում նրան մեղադրանք առաջադրվեց անփութության համար՝ 56 մլն դրամ գումարը երրորդ անձի միջոցով յուրացնելու համար: Այդ գործով դեռ հետախուզման մեջ է ակնարկված երրորդ անձը՝ ՀԱԿ մամուլի խոսնակ Արման Մուսինյանի եղբայրը:
Դատական նիստը նշանակվեց մարտի 12-ին:
Ռուզան ՄԻՆԱՍՅԱՆ
Կարդացեք նաև
