Կենտրոնական ընտրական հանձնաժողովն ու ընտրատարածքային ընտրական հանձնաժողովներն այս պահի դրությամբ գրավոր դիմումներ չեն ստացել:
ԿԸՀ նախագահ Տիգրան Մուկուչյանն էլ քիչ առաջ լրագրողների հետ զրույցում այս ընտրությունները համարեց ՀՀ ընտրական օրենսգրքին համապատասխան ու բնականոն ընթացքով տեղի ունեցած ընտրություններ:
Անդրադառնալով երեկ ուշ երեկոյան նախագահի թեկնածու Րաֆֆի Հովհաննիսյանի շտաբի հրապարակած ընտրախախտումներին, մասնավորապես՝ «Ժառանգության» թեկնածուի օգտին քվեարկած տրցակներով քվեաթեթրիկների անհետացմանը, պարոն Մուկուչյանն ասաց. «Քվեարկության ընթացքում եւ քվեարկությունից հետո ստացվում էին տարբեր տեղեկություններ, որոնք բացահայտ չեն համապատասխանել իրականությանը, հիմա էլ ներկայացվել են հանգամանքներ: Եթե ներկայացվում են հանգամանքներ, ապա պետք է ներկայացնեն դրաց համար հիմք հանդիսացող ապացույցները: Պետք է հիշել, գործ ունենք իրավական գործընթացի հետ, եւ ցանկաված իրավական գործընթացում միայն մերկապարանոց հայտարարույթյունները չեն կարող հիմք հանդիսանալ իրավական դատողություններ իրականացնելու համար»:
Հարցին՝ ստացվեց ավելի լավ ընտրություններ անցկացնել քան մինչեւ հիմա , պարոն Մուկուչյանն ասաց՝ այո, կայացել են նոր առաջավոր որակի ընտրություններ:
Կարդացեք նաև
Անդրադառնալով 51.000 անվավեր քվեաթերթիկներին պարոն Մուկուչյանն ասաց, որ կդժվարանա այդ թիվը համեմատել նախորդ նախագահական ընտրությունների անվավեր թերթիկների հետ, իսկ թերթիկներում թողնված զավեշտալի գրառումների մասին էլ ասաց. «Նման վերաբերմունք շատ ու շատ այլ երկրներում հնարավոր է հանդիպել: Միաժամանակ գիտեք, որ քվեարկությունը սկսելուց առաջ կան կոչեր, որ այդ եղանակով ու նման վերաբերմունքով փչացնեն քվեաթերթիկները: Իմ կարծիքով, եթե անձը մասնակցում է քվեարկության , ապա պետք է իր լիարժեք արտացոլի»:
Նա նաեւ ասաց, որ վերջնարդյունքների դեպքում հաստատ կպարզվի, որ անվավեր քվեաթերթիկների մեծ մասը քաղաքացիների կողմից սխալ լրացնելու հետեւանքով է անվավեր ճանաչվել, այլ ոչ թե հատուկ փչացնելու միտումով:
Հարցին՝ շնորհավորել է արդեն վերընտրված Սերժ Սարգսյանին, պարոն Մուկուչյանն ասաց՝ ոչ:
Արփինե ՍԻՄՈՆՅԱՆ
