Երեւանի ժամանակով ժամը 5.25-ին ստացանք Ռամկավար ազատական կուսակցության շնորհավորական նամակն՝ ուղղված Սերժ Սարգսյանին՝ նախագահի պաշտոնում վերընտրվելու կապակցությամբ: Նկատենք, որ այդ ժամին անգամ ամփոփված չէին բոլոր տեղամասերի նախնական արդյունքները: Նամակում, մասնավորաբար, ասված է.
«Վսեմաշուք նախագահ, Ռամկավար ազատական կուսակցության Ամերիկայի եւ Կանդայի շրջանակի, ինչպես նաեւ մեր հավատավոր զանգվածներուն կողմից կգանք ի սրտե շնորհավորելու Ձեր վերընտրությունը՝ տպավորիչ արդյունքներով:
Առաջիկա հինգ տարիները պիտի շարունակեն ստեղծել բազում մարտահրավերներ մեր հայրենիքի համար, սակայն մենք Ձեր վերընտրության մեջ կտեսնենք երաշխիքը՝ հաջողությամբ դիմագրավելու այդ մարտահրավերները եւ մեր հայրենիքը առաջնորդելու դեպի ավելի ապահով կռվաններ:
Հայրենի հողի եւ Արցախի պաշտպանության արի փորձառությունը եւ Ձեր վարչագիտական հարուստ վաստակը, մեր հայրենաբնակ ժողովրդին պիտի պարգեւեն ապահով երկիր եւ զարգացող տնտեսություն, կանխելու համար վտանգավոր արտահոսքը բնակչության:
Կարդացեք նաև
Ձեր հայրենաշեն ծրագիրները պիտի ներշնչեն ու զորաշարժի ենթարկեն նաեւ Սփյուռքը՝ ինքնավստահ քայլերով առաջանալու Եղեռնի ոգեկոչման 100-ամյակը, այն վերածելով պատմական ու քաղաքական նշանակալից հանգրվանի:
Վաղը կսկսվի հաջողությունների դժվարին ու պարտավոր առաքելությունը եւ կարող եք վստահ լինել, որ մեր կուսակցությունն ու հայությունը ազգովին պիտի կանգնի Ձեր կողքին:
Հայրենաշունչ բարի մաղթանքներով՝
ՌԱԿ Ամերիկայի եւ Կանադայի շրջանային վարչության կողմից՝
համաատենապետեր Երվանդ Ազատյան (լուսանկարում) եւ Բաբկեն Մկրյան»
Արտերկրում գտնվող ՀՀ քաղաքացիները ավելի մեծ թիվ են կազմում: Ուստի ինչպիսին էլ, որ լինի այս վաղաժամ, կեղծ ընտրությունների արդյունքը, մենք կհամարենք պարզապես տուն-տունիկ: Բացի մեկ թեկնածուից՝ պարոն Անդրիաս Ղուկասյանից, մնացած մյուս 7 մասնակիցներին, այսպես է ճիշտ նրանց կոչելը, հայտնում ենք.
Հայաստանը միայն ձեզանով չի սահմանափակվում, որ ամեն դեպքում, մեր ավանդն ավելի մեծ է, և դուք մեզ չուզեցիկ մասնակից դարձնել այդ գործընթացին: Իսկ մենք ձեզ մասնակից կդարձնենք, հայտնելով ձեզ այսօրվա ձեր վիճակը: Պետք է ասել, որ այս ամիսների ձեր եսակենտրոն բոլոր ջանքերը ի սկզբանե անհաջողության մատնված, մինչ այդ չհանդիպած ձմեռային վազք էր:
Հայ ժողովրդի սերուցքը իր սիրելի ժողովրդի հետ միասին՝ հարգելով նաև կանանց՝ առաջադրելով որոշ տիկնանց նույնպես, ՀՀ նախագահի համար Համահայաստանյան օրինական ընտրությունների գործընթացը կսկսի գարնանը: