Այսօր ժամը 17.35-ի սահմաններում Գյումրիի 34/36 ընտրական տեղամսում արձանագրվել էր միջադեպ պատգամավորներ ՀՀԿ-ական Սուքիաս Ավետիսյանի եւ «Ժառանգության» փոխնախագահ Ռուբեն Հակոբյանի միջեւ: Այս միջադեպի առթիվ ոստիկանությունում նյութեր էին հարուցվել:
23.45-ի տվյալներով՝ ՀՀ գխավոր դատախազությունում ընտրախախտումների վերաբերյալ ստեղծված աշխատանքային խմբից մեզ տեղեկացրեցին , որ ՀՀ գլխավոր դատախազի հանձնարարությամբ նյութերն ուղարկվել են Հատուկ քննչական ծառայություն:
Միենույն ժամանակ մեզ ոստիկանությունից տեղեկացրին, որ «Ժառանգություն» կուսակցության փոխնախագահի դեմ ՀՀ դատախազություն հաղորդում էր ներկայացրել նշված հանձնաժողովի նախագահը:
Ռուզան ՄԻՆԱՍՅԱՆ
