Ինչպես հայտնել էինք, Լոռու եւ Տավուշի մարզերում դիտորդական առաքելություն է իրականացնում Հելսինկյան քաղաքացիական ասամբլեայի Վանաձորի գրասենյակը: Գրասենյակի ղեկավար Արթուր Սաքունցը Մեդիա կենտրոնում Skype-ով կրկին կազմակերպված հեռախոսազրույցի ընթացքում լրագրողներին հայտնեց, որ 30/10 տեղամասում ոտնահարվել է դիտորդի ազատ շարժման իրավունքը. «Իսկ 32/14 տեղամասում երեք ժամը մեկ հանձնաժողովը ընտրողների թվի մասին տեղեկատվութունը չի հաղորդել տարածքային ընտրական հանձնաժողովին եւ դիտորդին: Շարունակվում են կուտակումները, մարդկանց ավտոբուսով բերում են տեղամասեր»:
Սաքունցը հավելեց, որ հանձնաժողովներից մեկի անդամի խոսքով` որոշ անձնագրերի դրոշմակնիքը մաքրվել է խոնավ անձեռոցիկով:
Լուիզա ՍՈՒՔԻԱՍՅԱՆ
