«Գրավոր արձանագրություն չունենք կազմված, մեր բոլոր ահազանգերը բանավոր են»,-Aravot.am-ի հարցին, թե ընտրությունների ընթացքում ի՞նչ խախտումներ է արձանագրել Պարույր Հայրիկյանի շտաբը, ասաց նախագահի թեկնածու Հայրիկյանի շտաբի աշխատանքները կոորդինացնող Մանյա Այվազյանը. «Մենք կարծում ենք, որ այդ խախտումների մասին բոլորն էլ գիտեն, բոլորն էլ տեսնում են ու լսում են այդ խախտումների մասին: Ընտրությունները չեն ամփոփվում միայն այդ խախտումներով»:
Մեր հարցին, թե ի՞նչ նկատի ունեն, Մանյա Այվազյանն ասաց` «Ամենամեծ խախտումը տեղի ունեցավ հունվարի 31-ին, երբ ձեռք բարձրացրին մեր պետականության վրա»:
Շտաբի կոորդինատորից հետաքրքրվեցինք, թե ընտրատեղամասերում ընտրություններին հետեւող Պարույր Հայրիկյանի վստահված անձի՞նք էլ խախտումներ չեն նկատել եւ արձանագրություններ չեն կազմել, Մանյա Այվազյանն ասաց, որ այդ մասին այսօր չեն ցանկանում խոսել. «Մենք ավելի ուշ կխոսենք»:
Լուսինե ԲՈՒԴԱՂՅԱՆ
