Թիվ 4/10 տեղամասում հանձնաժողովի նախագահի եւ քարտուղարի՝ ԱԺ պատգամավոր Զարուհի Փոստանջյանի դստեր միջեւ տեղի ունեցած վիճաբանության պատճառները պարզելու համար, ԿԸՀ նախագահի օգնական, իրավիճակային վերլուծությունների կենտրոնի անդամ Հասմիկ Հովսեփյանը անձամբ զրուցեց հանձնաժողովի նախագահի հետ:
Կենտրոնին տեղամասից փոխանցեցին, որ կրկնակի քվեարկության դեպք չի եղել, ինչպես ավելի վաղ տարածվել էր լրատվամիջոցներով:
Նշենք, որ ըստ լրատվամիջոցների, քաղաքացի Սոնա Միքայելի Վարդանյանը տեղամասում պարզել է, որ իր փոխարեն արդեն ընտրություն են արել ու այդ մասին տեղեկացրել է հանձնաժողովի քարտուղարին:
Իսկ հանձնաժողովից կենտրոնին այլ բան փոխանցեցին, վստահեցրին, որ ընտրացուցակում վրիպակ է եղել:
Կարդացեք նաև
«Անձնագրի տվյալները, անուն-ազանունը, ամեն ինչ համապատասխանել է իրականությանը, ուղղակի եղել է վրիպակ, քաղաք Արարատի փոխարեն եղել է քաղաք Արտաշատ: Դրա համար քարտուղարը դա համարել է խախտում ու թույլ չի տվել, իսկ հանձնաժողովի նախագահը հրաժարվել է այդ արձանագրության տակ գրանցամատյանում ստորագրել, որովհետեւ կրկնում եմ, որ քաղաքացու բոլոր անձնական տվյալները համապատասխանել է իրականությանը»,- Aravot.am-ին պատմեց տիկին Հովսեփյանը:
Արփինե ՍԻՄՈՆՅԱՆ
Ինչքան ստրուկներ կան մեր ազգի մեջ, որոնք մարդ կոչվելու իրավունք չունեն: