«Խեղճ մարդ, երևի սոված ա եղել»:
«Եկել ես, քվեաթերթիկը ուտում ես, մեր ընտրությունները փչացնում ես, որ ի՞նչ անես»,- «Ֆեյսբուք» սոցիալական ցանցում նման մակագրությամբ նկար հայտնվեց՝ այսօր Երեւանի Նոր-Նորքում գտնվող թիվ 2/08 ընտրատեղամասում զավեշտալի դեպքի առիթով:
Հիշեցնենք, որ քվեարկության եկած քաղաքացի Արթուր Մինասյանն ընտրական հանձնաժողովի անդամից ստանալով իր քվեաթերթիկը, մտել է քվեախուց, որոշ ժամանակ այնտեղ մնալուց հետո դուրս է եկել և ծրարով քվեաթերթիկը քվեատուփի մեջ գցելու փոխարեն կանգնել է ընտրատեղամասի կենտրոնում և «Ո՛չ հանցավոր ռեժիմին, ազատությո՛ւն Տիգրան Առաքելյանին» վանկարկելուց հետո կերել է իր քվեաթերթիկը, որի վրա գրված է եղել «Ո՛չ կեղծ ընտրություններին»:
Օգտատեր Անահիտ Մարգարյանն էլ հեգնել է՝ գրառելով. «Խեղճ մարդ, երևի սոված ա եղել»:
Կարդացեք նաև
Օգտատեր Հովհաննես Շողիկյանը փորձել է լրջացնել թեման՝ հարց-գրառումով. «Բաց քվեարկությո՞ւն»:
Արմեն Հակոբյանն էլ ավելացրել է. «Ու նաև քարոզչություն (հակաքարոզչություն) գումարած պետական փաստաթղթի ոչնչացում ճճճ, չհաշված՝ ընտրական տեղամասում քվեարկության ընթացքը ցուցադրաբար խաթարելու փորձը»:
Ի դեպ, «այս ընտրությունների զավեշտները» շարքից սոցցանցերում հայտնվեցին նաեւ քվեաթերթիկներ Քիմ Քարդաշյանին ընտրելու նշումով, «չեբուրաշկայի» նկարով եւ այլն:
Պատրաստեց՝ Նելլի ԳՐԻԳՈՐՅԱՆԸ
