Ոստիկանությունը արձանագրություն է կազմել ու հեռացել
Մինչ Շիրակի մարզպետարանի պաշտոնյաները զբաղված էին ընտրությունները վերահսկելով և ընտրատեղամասերում ակտիվություն ապահովելով, լրագրողները ժամը 13.00-ի սահմաններում ահազանգ ստացան այն մասին, որ մարզպետարանի դեմ-դիմաց`ամերիկացի բարերար Հանցմանի կառուցած շենքերի արանքում, մեծ կռիվ է սկսվել տեղի բնակիչների ու Վարդան Ղուկասյանի գազալցակայանը կառուցող շինարարների միջև:
Ըստ ահազանգող բնակիչների, տեսնելով, որ Վարդան Ղուկասյանի որդի Սպարտակը համառորեն շարունակում է ապօրինաբար կառուցվող գազալցակայանի շինարարությունը` ստիպված են եղել ոչ միայն լեզվակռվի մեջ մտնել շինարարների հետ, այլ ոստիկանություն դիմել: Իրարանցման այդ պահին հայտնվել է Ղուկասյանի որդի Սպարտակը: Վերջինս, տեսնելով, ոստիկաններից ահաբեկված շինարարներին, ինչպես նաև այդ պահին գազալցակայանի մոտ հայտնված քաղաքապետարանի ճարտարապետության և ապօրինի շինարարության բաժինների պատասխանատուներին, անպատվել ու սպառնացել է այս պաշտոնյաներին:
Նշենք սակայն, որ ըստ տեղի իրավապահների, դեպքի վայրում եղել են 3 ոստիկաններ, որոնք պնդել են, թե Սպարտակը իրեն այս անգամ զարմանալիորեն զուսպ է պահել, նույնիսկ շինարարներին հորդորել է ոստիկանների հետ գնալ բացատրություն տալու:
Կարդացեք նաև
Ոստիկանությունը արձանագրություն է կազմել ու հեռացել:
Մենք եղանք դեպքի վայրում, հատ-հատ ծեծեցինք բնակիչների դռները` հետաքրքրվելով, թե իրականում ի՞նչ է եղել, արդյոք կրակոց է արձակել Ղուկասյանի որդին: Բնակիչները ահաբեկված, ձևացնում էին թե տեղյակ չեն: Միայն նրանցից մեկը համարձակություն ունեցավ ասելու. «Մենք ո՞վ ենք, որ մեր քթի տակ գազալցակայան չկառուցեն, էսքան ժամանակ ո՞ւմ շան տեղ դրեցին, որ հիմա մեզ դնեն»:
Հիշեցնենք, որ Սպարտակը շինարարներին մի անգամ հրահանգել էր` ասելով, «Դուք շինարարությունը հանգիստ շարունակեք, Բալասանյանի խոսքը ասնավանի չէ, ստեղ իմ խոսքն է ասնավանի »: Քանի որ շինարարությունը ապօրինի է. Վարդան Ղուկասյանը շենքերի արանքում գազալցակայան կառուցելու թույլտվություն չունի, իսկ Ղուկասյանները նորընտիր իշխանություններին ու ոստիկանությանը շրջանցելով, այդուհանդերձ, շարունակում են իրենց գործը, արդեն օբյեկտի կտուրն են կապել: Շիրակի մարզի քննչական բաժնում նյութեր են նախապատրաստվում:
Նունե ԱՐԵՎՇԱՏՅԱՆ
