Քիչ առաջ 9/18 ընտրատեղամասում ընտրողը, որը կասկածներ է առաջացրել, թողել է ձեռքի անձնագիրն ու փախել ընտրատեղամասից:
Անձնագիրը պատկանում է Գուրգեն Արտաշեսի Ղազախեցյանին:
Րաֆֆի Հովհաննիսյանի վստահված անձ Աբգար Սարգսյանը երբ փորձել է պարզել, թե արդյոք այդ մարդն իր անձնագրո՞վ է եկել, նկատել է, որ անձնագրում գեր, սպիտակ մազերով մարդ է, իսկ ինքը՝ նիհար, ոչ այդքան սպիտակ եւ սեւահեր: Տեղում հարցրել է իր հայրանունը:
Ընտրողը մի քանի անգամ հարցնելուց հետո ասել է, որ չի հիշում իր հոր անունը:
Կարդացեք նաև
Հանձնաժողովի նախագահ Սամվել Ներսիսյանը լրագրողների հետ զրույցում վստահեցրեց, որ ամեն ինչ նորմալ է, ոչ մի խախտում էլ չի գտնվել:
Ինչ վերաբերում է տեղամասում գտնված անձնագրին, նրա խոսքերով՝ «Շատ էլ նման էր անձնագրի նկարին: Մարդը վատ էր զգում, անձնագիրը թողեց, դուրս եկավ: Մինչեւ ոստիկանությունը չասի՝ նման է իրեն, թե չէ, վստահված անձը չի կարող դա հաստատել»:
Հանձնաժողովի նախագահը քիչ անց այլ վարկած առաջ քաշեց, որ կարող է ընտրողը խմած էր, դրա համար իր հոր անունը չէր իմանում եւ դրա համար անձնագիրը թողեց ու դուրս եկավ:
Հռիփսիմե ՋԵԲԵՋՅԱՆ
