Ղարաբաղյան շարժման ընթացքից իրեն առաջին երդվյալ ֆիդայի համարող Սասուն (պապի) Մխիթարյանն այսօր կրկին այցելել է ՀՀ նախագահի թեկնածու Անդրիաս Ղուկասյանին՝ տեղեկանալու նրա առողջական վիճակի մասին: Aravot.am-ի հետ զրույցում նա ասաց, որ նախագահի իր թեկնածուին ընտրելուց անմիջապես հետո շտապել է հացադուլավորի մոտ, որին, սակայն, իր ձայնը չի տվել, բայց «Անդրիաս Ղուկասյանին միշտ ասում եմ՝ ամուր մնա մեր լեռների պես»:
Սասուն Մխիթարյանը հույս ունի, որ հացադուլը չի վնասի ծայրահեղ քայլի դիմած Անդրիաս Ղուկասյանին. «Իրա միջի հիվանդությունները հացադուլը հանում է, ջո՛ւրն է բուժում»:
Երբ յուրահատուկ հագուկապով Սասուն Մխիթարյանը իր կոլորիտով բառապաշարով խոսում էր երկրի վիճակի, արտագաղթի ու իր ձեւակերպմամբ՝ «բոմժ» դարձած ժողովրդի մասին, Անդրիաս Ղուկասյանի վրանի մոտ կանգնած մի տիկին հարցրեց՝ ո՞վ է մեղավոր այդ ամենի համար: «Հո ե՞ս չեմ մեղավոր, այ քնած մանուշակ»,-նեղսրտեց Մխիթարյանը:
Գոհար ՀԱԿՈԲՅԱՆ
