Նոր Խարբերդի թիվ 16/41 ընտրատեղամաս լրագրողների հանկարծակի մուտքը իսկական աժիոտաժ ու վազք առաջացրեց ընտրատեղամասում:
Մենք տեղեկություն էինք ստացել, որ այդ պահին 400 ծրար պատրաստել են եւ պատրաստվում են լցոնման՝ վերնազգեստների մեջ քվեաթերթիկները լցրած:
Մեր մտնելուն պես շագանակագույն բաճկոնով մի տղա դպրոցի հակառակ մուտքով փորձեց փախչել: Լրագրողներով նրա հետեւից մի քանի մետր վազեցինք, բայց չհաջողվեց երիտասարդին բռնացնել:
Ավելի ուշ տղան մտավ նույն ընտրատեղամաս՝ արդեն բաճկոնն արձակած: Նա ներկայացավ Կարեն Հակոբյան՝ Րաֆֆի Հովհաննիսյանի վստահված անձ: Թեեւ ինչպես ավելի ուշ պարզվեց, նա «Ժառանգության» եւ Րաֆֆի Հովհաննիսյանի հետ կապ չուներ:
Կարդացեք նաև
Բանն այն է, որ Րաֆֆի Հովհաննիսյանը ֆեյսբուքյան էջում հայտարարություն էր տարածել, որ եղեք իմ վստահված անձը եւ Կարեն Հակոբյանը մեկն է այն մարդկանցից, որ մտել է՝ իբր արդարության համար պայքարելու եւ վստահված անձ լինելու:
Կարեն Հակոբյանը, համագործակցելով հանձնաժողովի նախագահի հետ, պարբերաբար հեռախոսազանգերով զեկուցում էին, թե ինչ է կատարվում ընտրատեղամասում:
Հռիփսիմե ՋԵԲԵՋՅԱՆ
