ՀՀ նախագահի թեկնածու Պարույր Հայրիկյանը հիվանդանոցից կգնա ընտրության
Այս պահին ՀՀ նախագահի թեկնածու Պարույր Հայրիկյանը գտնվում է հիվանդանոցում, սակայն` «ընտրությունների անպայման գնալու է», այս մասին Aravot.am-ին քիչ առաջ հայտնեցին Պարույր Հայրիկյանի շտաբից:
Նախագահի թեկնածուի ինքնազգացողությունը լավ չէ՞, մեր հարցին` Հայրիկյանի շտաբի աշխատանքները կոորդինացնող Մանյա Այվազյանն ասաց` բժիշկներից հարցրեք:
Ավելի վաղ մեզ հետ զրույցում նախագահի թեկնածուի շտաբից հայտնել էին, որ նա մինչ այժմ գտնվում է բժիշկների հսկողության տակ եւ քանի որ մահափորձի արդյունքում Պարույր Հայրիկյանը նյարդի վնասվածք է ստացել, աջ ձեռքն ուռած է եւ մատները չեն շարժվում:
Կարդացեք նաև
Պարոն Հայրիկյանն իր ընտրությունը կատարելու է Կոտայքի մարզի Գողթ գյուղում, սակայն մինչ այդ, ինչպես հայտնեցին շտաբից, ՀՀ նախագահի թեկնածուն այցելելու է փետրվարի 18-ին բոլշեւիկների տիրապետության դեմ պայքարի ելած եւ զոհված մարտիկների շիրիմներին, որը գտնվում է Գառնիի սկզբնամասում:
Լուսինե ԲՈՒԴԱՂՅԱՆ
