Մինչ այսօր ՀՀ ոստիկանությունը իրավախտումների 88 հաղորդում է ստացել, 27-ն արդեն քննարկվել ու տրվել է վերջնական ընթացք:
«27 դեպքով արդեն իսկ որոշումներն են կայացվել՝ քրեական գործի հարուցումը մերժելու մասին, որոնցից 3-ով հանցակազմի բացակայության, իսկ 24-ը մերժվել են հանցագործության դեպքի բացակայության պատճառաբանոթյամբ: Դեռեւս 61 դեպք քննարկման ընթացքում եւ շարունակվում է նյութերի նախապատրաստումը:
Այս պահին հարուցված քրեական գործեր չկան»,- քիչ առաջ ՀՀ կենտրոնական ընտրական հանձնաժողովում ասաց ՀՀ Ոստիկանության իրավաբանական վարչության պետ Թաթուլ Պետրոսյանը: Նրա խոսերով, նշված ահազանգերից 56-ը վերաբերել են ընտրակաշառք բաժանելուն, իսկ մնացածը թեկնածուների պաստառները պոկելուն, քարոզչական նյութերը բաժանելու խոչընդոտներին:
Ըստ նրա, իրենց ստացած հաղորդումները հանցագործությունների մասին թռուցիկ տեղեկություններ են տալիս կամ հիմնված են ասեկոսեների վրա. «Պարզվում է, որ հանցագործության մասին հաղորդման մեջ մատնանշված անձը գոյություն չունի»:
Կարդացեք նաև
Այսօր Ոստիկանությունում ստացված ահազանգեր հիմնականում կուտակումների եւ լցոնումների վերաբերյալ են եղել: Նա ասաց, որ այս պահին այդ տեղեկատվությունը ստուգելու աշխատանքներ են տանում:
Արփինե ՍԻՄՈՆՅԱՆ
