Հոլանդացի Վիմ Հոֆը մեկ անգամ չէ, որ զարմացրել է սովորական մարդկանց համար մահացու ելքով սառնամանիքի արտակարգ պայմաններում գոյատեւելով:
Նրա օրգանիզմը ցրտին բացարձակապես անտարբեր է: Օրինակ, Վիմը բազմաթիվ լեռնագագաթներ է հաղթահարել՝ հագին ունենալով միայն անդրավարտիք, կամ երկար ժամեր անցկացրել սառցաջրում: Բժիշկների հետազոտությունները ցույց են տալիս, որ նման դեպքերում նրա օրգանիզմում կենսաբանական գործունեության փոփոխություններ չեն արձանագրվում:
Սովորաբար, յոգան ասոցացվում է Հնդկաստանի, ջերմության հետ: Սակայն 52- ամյա Հոֆը յոգայով զբաղվում է ոչ թե գորգի վրա, այլ՝ սառույցի: Նա ութ անգամ աշխարհի ռեկորդ է սահմանել՝ գտնվելով 20 % աստիճանից ցածր ջերմաստիճանի պայմաններում: Երկու տարի առաջ նա Ֆինլանդիայում այդ ջերմաստիճանում միայն կիսավարտիքով վազելով հաղթահարել է 22 կիլոմետր, իսկ 2008-ին սառցաջրում սուզված անցկացրել 73 րոպե, 48 վայրկյան:
Աշոտ ՀԱԿՈԲՅԱՆ
