«Այն բռնությունները, որոնց ականատես ենք եղել տարիներ առաջ, մեզ բերեցին այն մտքին, որ անհրաժեշտ կլինի ստեղծել կանխարգելիչ մեխանիզմ»,-այսօր լրագրողների հետ հանդիպման ժամանակ 2013թ. ՀՀ նախագահական ընտրությունների առանձնահատկություննի մասին նշեց «Քաղաքացիական հասարակության ինստիտուտ» ՀԿ խորհրդի նախագահ Արտակ Կիրակոսյանը:
Նրա պնդմամբ 2007թ.-ից հետո ճնշումները, բռնություններն ու կաշառակերությունները նվազել ու մեղմացել են.
«2007թ.-ի պառլամենտական ընտրություններից սկսած ունենք արագ արձագանքող մեքենաներ, որտեղ խախտումները գրանցող եւ արձագանքող աշխատակիցներ կան: Կազմակերպությունը 1998թ.-ին է ստեղծվել մի խումբ երիտասարդների կողմից: Մենք ստանում ենք ահազանք, ուղղարկում ենք մեքենաներ եւ փորձում կանխարգելել խախտումները: Ունենք դիտորդ, ով մտնում է տեղամաս եւ զգոնություն մտցնում, թեժ գծերի շնորհիվ շատ արդյունքների ենք հասել եւ որոշակի վստահություն ունենք ժողովրդի կողմից»:
Բանախոսի համոզմամբ ունենք բացահայտ առաջատար, որը հնարավոր է հաղթանակ գրանցի` դա գործող նախագահն է: Հանրության համար ավելի երկար պետք է պատրաստվել.
Կարդացեք նաև
«Առնվազն երկու տարի առաջ պետք է սկսվի ընտրական թեկնածուի քարոզարշավը, որպեսզի ժողովրուրդը ճանաչի իր ապագա նախագահին: Եկող ընտրություններին մենք ավելի վառ թեկնածուներ կունենանք` այդ տեսակ թեկնածուները լավ էլ օգտագործվում են: Պետք է ձեւավորենք նորմալ խաղի կանոններ»:
Անժելա ՇԱՀՈՒՄՅԱՆ
