«Մեծ նշանակություն չեմ տալիս ընտրություններին, ավելի շատ հետաքրքրում են հասարակության ներսում առկա խնդիրները, որոնց լուծման հարցը միայն «վերեւներից» չի գալիս»,-այսօր «Հայելի» ակումբում ասաց Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը, ապա հավելեց. «Մենք սխալ տեղից ենք սկսել եւ մեծ հույսեր տածել: Դա քաղաքական ուժերից է գալիս, որոնք ամեն ինչ կենտրոնացնում են ընտրությունների շուրջը, եւ բուրգը վերեւից չի կառուցվում: Բայց նաեւ ուսուցողական երեւույթներ եղան. օրինակ, իմացանք, որ վերեւն Աստված կա, բայց հիմարությունների ծավալը նորմայից շատ էր: Ամենասիրած օրս «լռության օրն» է. որքան նման օրեր շատ լինեն օրացույցի մեջ, այդքան լավ»:
Բաբայանի խոսքով. «Եթե հասարակությունը ծաղրածուի, փիլիսոփայի կամ ապուշի կարիք ունի, ապա ունենում է: Այսօր անհանդուրժողականություն է տիրում, մինչդեռ քիչ ես լսում, որ թեկնածուներից մեկն ուշադրություն դարձնի հասարակության մեջ առկա հիվանդություններին»:
Իսկ գրող, հրապարակախոս Մերուժան Տեր-Գուլանյանի կարծիքով. «Հասարակությունն ինքնին կարծիք չունի եւ այդպես էլ պետք է լինի, որովհետեւ
լավ հասարակությունը պետք է ապրի, աշխատի, մշակութային եւ հոգեւոր կյանք ունենա եւ դրանով ներդաշնակություն ապահովի, ոչ թե միայն քաղաքական գործընթացներին մասնակցի: Մեզ թվում է, թե նախագահական ընտրություններից հետո մի հրամանով մշակույթի կամ կրթության վիճակը կլավանա, մինչդեռ հասարակության համար մտահոգ մարդիկ պետք է ստեղծեն նախապայմաններ, որոնց հիմքի վրա պետությունը կկարողանար որոշումներ կայացնել»:
Կարդացեք նաև
Տեր-Գուլանյանը նշեց, որ այս քարոզչության նման ժողովրդավար քարոզչություն նախկինում չի տեսել:
Երաժիշտ Արտավազդ Բայաթյանն ասաց, որ կցանկանար թեկնածուների միջեւ ատելություն չտեսնել. «Պետք է հասկանալ, որ ազգը հինգ տարում չի կարող բարեկեցիկ դառնալ, պարզապես իրատես պետք է լինել»:
Լուիզա ՍՈՒՔԻԱՍՅԱՆ
Սարսափելի է, երբ ազգը ունի նման մտածելակերպով՝ մտավորականներ: