Այսօր «Դեբատ» ակումբում սոցիոլոգ Ռազմիկ Մարտիրոսյանն անդրադառնալով ՀՀ նախագահական ընտրություների քարոզարշավին ասաց.
«Խիստ անսպասելի էր քարոզչության ազատությունը, որը եղավ եւ ԱԺ ընտրությունների ժամանակ եւ այսօր: Բոլոր թեկնածուները ունեցել են հավասար հնարավորություններ եւ սա կարեւոր է ու տարբերվում է նախկինում եղած ընտրություններից: Ես տպավորություն ստացա, որ թեկնածուների մեծ մասը քարոզչությանը պատրաստվել է միայն առաջադրումից հետո: Եվ բնականաբար մեկ ամսում իրականացված քարոզչությունը չի կարող իր արդյունքները ցույց տալ»:
Մարտիրոսյանի խոսքով`առանձնահատուկ է այն, որ այս ընտրարշավին տեսանք հստակ տարանջատված մասնագիտական ընդդիմությունը, մասնագիտական տեսակետների բախում եւ հաջորդ կառավարությունը միանշանակ հաշվի կնստի այս ընդդիմության հետ` կառավարությունն էլ այլեւս չի կարող մոնոպոլ լինել, ինչը շատ կարեւոր է, որովհետեւ հասարակությունը հոգնել է ոչ կառուցողական քաղաքական վիճակից:
Մարտիրոսյանը նաեւ հավելեց, «Չեմ անդրադառնա ողբերգական միջադեպին ու մանր խնդիրներն: Բնականաբար միշտ էլ լինում են խնդիրներ, որ միշտ չէ, որ թեկնածուները տեղյակ են լինում դրանց մասին: Բայց այս ընտրությունները կտարբերվեն, հավատը կվերադառնա այս ընտրություններին, որ իրենք գնացել ու ընտրել են, եւ կլուծվի լեգիտիմության հարցը»:
Կարդացեք նաև
Եվա ՀԱԿՈԲՅԱՆ
