Իր մամուլի ասուլիսներից մեկում ՀՀ նախագահի թեկնածու Արման Մելիքյանը հայտարարել էր, որ 15 թաղամասում շենքերի լիազորները ձեւաթղթեր են լրացնում`մարդկանց տվյալները հավաքելով, ինչպես նաեւ ընտրակաշառք են առաջարկում`ՀՀԿ թեկնածուի օգտին քվեարկելու համար: Այդ փաստերը հետաքրքրել էր դատախազությանը: Թեկնածուի շտաբի ներկայացուցիչներն էլ բացատրություններ էին տվել:
Երեկ, սակայն, դատախազությունը հաղորդագրություն էր տարածել, որ այդ բացատրություններում էական հակասություններ կան: Aravot.am-ն այսօր Արման Մելիքյանին խնդրեց պարզաբանումներ ներկայացնել այդ առիթով: Թեկնածուն ասաց, որ իր համար ի սկզբանե էլ տարօրինակ է եղել, դատախազության կեցվածքը`հատկապես մեկ լրատվամիջոցի «թխած» հրապարակման առիթով գործ հարուցելը, որտեղ իր խոսքերն անճշտություններով են ներկայացված:
Ապա թեկնածուի շտաբի պետը`Էլիանորա Ասատրյանը, որը բացատրություն տվողերից մեկն է, մանրամասներ ներկայացրեց. «Տվյալ հայտարարության մասին ինքս իմացել եմ լրատվամիջոցներից: Թե ինչ էական տարբերություններ կան իմ եւ իմ մոր բացատրությունների միջեւ`դժվարանում եմ պատասխաել: Ի՞նչ էական տարբերություն կարող է լինել հինգ րոպեանոց միջադեպի մասին բացատրությունում»:
Նա կասկած չհայտնելով քննիչի ազնվության մասին, նկատեց նաեւ որ իր մայրը առանց ընթերցելու ստորագրել է բացատրությունը, ակնոցը մոտը չլինելու պատճառով:
Կարդացեք նաև
Մանրամասները`տեսանյութում.
Նելլի ԳՐԻԳՈՐՅԱՆ
