ԱԺ-ում ամենաէքսցենտրիկ պատգամավոր համարվող ոչ անհայտ Լյովա Խաչատրյանը, ով «համատեղությամբ» նաև ապարանցի է և հայտնի է էշերի իր հավաքածուով, որոնց կոչում է իրեն նվեր տվողի անունով, լինի դատախազ, մոտիկ ընկեր, թե քավոր-սանիկ, որքան էլ պարադոքսալ է, իր անմիջական բնավորությանը ոչ հարիր, դեռ ամուսնացած չէ։ Հարցին՝ ինչո՞ւ, ասաց. «Մի սիրուն աղջիկ չեմ կանա քթնեմ. մի գեղեցկուհի ռաստ չի գալի», ու հենց խորհրդարանի միջանցքում, ուր կային բազում «սիրուններ», երգեց. «Սիրուննե՜ր, մի՜ք նեղանա»։
Իսկ հարցին, թե իր ձայնն ում է տալու, ասաց՝ ժողովրդին։ Այս առումով էլ սկսեց երգել. «Ես իմ ձայնը քեզ եմ տալի՜ս, դու մի դնիր այն վանդակ»։ Բայց ժողովուրդը չի առաջադրվել, մի քիչ անհասկանալի է, թե դա ինչպես է լինելու՝ հարցրինք։ «Գիտես՝ ես շա՞տ եմ հասկանում, թե ոնց է լինելու»,- ինչպես միշտ, իրեն հատուկ անկեղծությամբ ասաց նա։
Կարմեն ԴԱՎԹՅԱՆ
«Իրատես de facto»
