Քաղաքագետ Գագիկ Համբարյանը վերլուծում է Գյումրիում անցկացված քարոզարշավի արդյունքները
Մի քանի օր է` նախագահի թեկնածուները հերթով այցելում են Գյումրի` ոչ միայն իրենց նախընտրական ծրագրերը ներկայացնելու, այլև ` կողմնորոշվելու , թե ունե՞ն արդյոք շանսեր այս խստապահանջ ու անկանխատեսելի քաղաքից ձայներ հավաքելու: Նշենք, որ Գյումրիում ամենամարդաշատը եղել է Րաֆֆի Հովհաննիսյանի քարոզարշավը, իսկ ամենադատարակ դահլիճը վերապահված էր Պարույր Հայրիկյանին:
Aravot.am-ը քաղաքագետ Գագիկ Համբարյանից հետաքրքրվեց, թե որպես թեկնածուների քարոզարշավի ու այցերի ականատես, ի՞ նչ կանխատեսումներ կանի, ո՞ւմ կտա ձայնը շիրակցին ու գյումրեցին: «Նախ ամենառաջինը ասեմ, որ քարոզարաշավին ակտիվություն տվեց միայն Պարույր Հայրիկյանի դեմ կատարված «մահափորձը»: Եթե հանկարծ էդ «մահափորձը» չլիներ, ապա կարելի է ասել, որ էդ քարոզարշավը շատ ձանձրալի կլիներ, որովհետև այն քաղաքական գործիչները, որոնք մասնակցում էին նախագահական ընտրություններին` իրենց հզորությամբ և իրենց կարողություններով շատ անհամատեղելի են: Պետք է ասեմ, որ գործող նախագահի միակ քիչ թե շատ լուջ հակառակորդը կարող է լինել «Ժառանգություն» կուսակցության ղեկավար Րաֆֆի Հովհաննիսյանը: Ինչ վերաբերում է Գյումրիին և Շիրակի մարզին, պետք է ասեմ, որ դրանք տարբեր են, որովհետև Գյումրին միշտ առանձնացել է` իր ուրույն կարծիքը միշտ արտահայտելով, այլ բան է Շիրակի մարզը»,- ասաց քաղաքագետը:
Նրա կանխատեսմամբ՝ Գյումրիում առաջին տեղը կզբաղեցնի գործող նախագահ Սերժ Սարգսյանը, որովհետև նրա ձեռքում է գտնվում վարչական ռեսուրսը, քիչ թե շատ գործող պետական աշխատատեղերն էլ դարձյալ գտնվում են Գյումրիում: «Այլ աշխատողներն էլ անպայման կքվեարկեն գործող նախագահի օգտին, որովհետև իրենց բոլոր վերադասները կամ ներկայացնում են Հանրապետական կուսակցությունը կամ էլ լոյալ են: Չնայած ԲՀԿ-ն ԱԺ ընտրությունների ժամանակ գերազանց արդյունք ցույց տվեց Գյումրի քաղաքում, միևնույն ժամանակ պետք է նշենք, որ նախագահական ընտրությունների այս ընթացքում քաղաքի պատասխանատու երեք ԲՀԿ-ական ղեկավարներն էլ (նկատի ունի Գյումրու քաղաքապետ Սամվել Բալասանյանին, Գյումրու մանկավարժականի ռեկտոր Վարդևան Գրիգորյանին և ԱԺ պատգամավոր Մարտուն Գրիգորյանին) պաշտոնապես հայտնեցին, որ պաշտպանելու են գործող նախագահի թեկնածությունը: Չնայած ասեմ, որ սա լիովին չի նշանակում, որ բոլոր ԲՀԿ-ակաները իրենց մարզային առաջնորդների առաջարկով կամ հորդորանքով կգնան ու պարտադիր կընտրեն Սերժ Սարգսյանին, բայց միևնույն ժամանակ պետք է նշեմ, որ այդպիսինները շատ են: ԲՀԿ-ի ընտրազանգվածի մի այլ ստվար մաս, որը միշտ էլ կողմ է եղել Գագիկ Ծառուկյանի առաջադրմանը, նրանք չեն էլ գնա , չեն էլ ընտրի Սերժ Սարգսյանին, նրանք այսպես ասած անկախ ԲՀԿ-ականներ են, որոնց ձայները կբաշխվեն այլ թեկնածուների միջև: Նրանց մեծ մասը երևի կգնա ու կընտրի Րաֆֆիի Հովհաննիսյանին, ով շատ գրագետ քարոզարշավ կազմակերպեց: Իր PR-ը կազմակերպողները երևի ընդօրինակել էին ամերիկյան քարոզարշավի ոճը, որը իր արդյունքները տվեց նրան. էդպես հանպատրաստից , միամիտ տեղը հայտնվել փողոցում, զրուցել մարդկանց հետ` այսինքն ցույց տալով, որ ես ձեզանից մեկն եմ, շրջապատված չեմ մի քանի շերտ թիկնազորով, քծնվող պաշտոնյաներով և այլն: Սա իր ոճն է, սա էլ իր դրական կողմերը ունեցող ոճ է, որը պետք է ասեմ, որ խելացիության հետ մեկտեղ բավական ձայներ կբերի Րաֆֆի Հովհաննսիյանին: Ասեմ, որ Գյումրիում Րաֆֆի Հովհաննիսյանի և Սերժ Սարգսյանի միջև ձայների տոկոսային տարբերությունը շատ մեծ չի լինի»,-կանխատեսում է Գագիկ Համբարյանը:
Կարդացեք նաև
Նունե ԱՐԵՎՇԱՏՅԱՆ
Կեցցե Գյումրին. Գյումրեցիները միշտ էլ տարբերվել են իրենց ազնվությամբ, հպարտությամբ, անկեղծությամբ, հաստատակամությամբ. Երանի մյուսներ քաղաքները, շրջաններն էլ իրենց ընտությունը ազնիվ կայացնեն. Այդ դեպքում իսկապես կազատվենք այս ստրկատիրական համակարգից. Մայրս Կապանում է ապրում, ասում է այստեղ էլ են այդպես տրամադրված, բայց դե Սերժը այնտեղ խիստ հսկողության տակ է պահում. Տեսնես երբ ենք ազատվելու այդ սերժականներից.
Խանութ չմտա, որովհետև դռան վերևում փակցված էր Սերժ մոզգի նկարը;Նկարի տակով պիտի անցնեի;Չմտա;Թողեցի, որ անինքնասերներն անցնեն ինքնասիրահարված նկարի տակով;Գետնին էլ լիներ, կոշիկս չէի կպցնի;Անցնի, չանցնի միևնույնն է գալու է դատարան;
Հանցավոր վարչախմբից ազատվելու ենք ամռանը,՝ ամեն գնով: