Անգլիացիներն ունեն շատ հետաքրքիր սովորույթ՝ կապված այս տոնի հետ: Այն աղջիկները, ովքեր դեռ չեն ամուսնացել, փետրվարի 14-ի առավոտյան` արևածագից առաջ, կանգնում են պատուհանի մոտ և նայում անցնող տղամարդկանց: Համարվում է, որ առաջին տղամարդը, ում նրանք կտեսնեն, ապագայում կլինի իրենց ամուսինը:
Այս օրըսիրելիի տան պատուհանի տակ երեք երաժիշտների ընկերակցությամբ սերենադ երգելու սովորույթն ընդունված է հատկապես Մեքսիկայում:
Ավստրալիայում ժամանակին ընդունված էր նվիրել վալենտիններ, որոնք պատրաստված էին ատլասե բարձից` զարդարված ծաղիկներով ու գունավոր խեցիներով: Այսօր նման նվերներ մատուցելն արդեն կորցրել է իր նշանակությունն ու կարևորությունը, և հիմա նախընտրելի է նվիրել պարզապես բացիկներ ու ծաղիկներ:
Այս տոնն առավել հետաքրքիր և արտասովոր ձևով է նշվում Հոլանդիայում: Այսօր հոլանդուհիները կարող են իրենց սիրելի տղամարդուն ամուսնության առաջարկություն անել: Առաջարկը մերժելու դեպքում տղամարդը պարտավորվում է վերջինիս համար մի գեղեցիկ զգեստ գնելու:
Իտալիայում սկիզբ առած Սուրբ Վալենտինի օրը անվանում են նաև «քաղցր» օր: Այստեղ ընդունված է միմյանց նվիրել քաղցրավենիք :
Որքան էլ, որ տարօրինակ է, բայց այդուհանդերձ կան մարդիկ, որոնք եթե փորձեն որևէ կերպ առնչվել այս տոնի հետ, ապա խնդիրներ կունենան օրինապահ մարմինների հետ: Սաուդյան Արաբիան միակ երկիրն է աշխարհում, որտեղ պաշտոնապես արգելված է այս տոնը:
