Այս տարի Սրբ. Վալենտինի տոնին շոու-բիզնեսի մի շարք ներկայացուցիչներ արդեն գտել են իրենց երկրորդ կեսին: Տոնը հայկական չէ, երեւի թե դա է պատճառը, որ նրանք չեն պատրաստվում նշել այն: Օրինակ՝ Աստղիկ Ալավերդյանը իր ամուսնու` Նարբե Պողոսյանի հետ օրն անցկացնելու է սովորական ձեւով: Ասում է, որ եկող շաբաթ իր սիրելիի ծննդյան օրն է. «Մտածում եմ՝ այդ օրը ի՞նչ անակնկալ կարելի է մատուցել Նարբեին: Հավանաբար մի հետաքրքիր բան կանեմ»,- ասում է Աստղիկը:
Երգիչ Արամեն եւ իր ընկերուհին` Աննա Թովմասյանը կբավարարվեն միայն նվերների փոխանակումով: Երգիչը դեռ չի որոշել, թե ինչ անակնկալ կմատուցի իր սիրելիին, սակայն նշեց, որ իմանալու դեպքում էլ չէր ասի, քանի որ անակնկալի իմաստը կվերանար: Իսկ դերասան Դավիթ Աղաջանյանը ցանկացավ գաղտնի պահել սիրելիի համար պատրաստած նվերը: «Թող հանրությունը չիամանա»,- ասաց նա եւ նշեց, որ Վալենտինի տոնը անցկացնելու են շատ ջերմ միջավայրում:
Արամ Արարատյան
