«Ժառանգություն» կուսակցության վարչության փոխնախագահ Արմեն Մարտիրոսյանը էպոսագետ նախագահի թեկնածու Վարդան Սեդրակյանի պնդումները, թե Հայրիկյանի մահափորձը կազմակերպվել է մասոնական կազմակերպության միջոցով, որի մեջ են Րաֆֆի Հովհաննիսյանն ու իր հայրը, չի ցանկանում մեկնաբանել: «Անլուրջ է, Էս մեկն անցանք»,- Aravot.am-ին ասաց պարոն Մարտիրոսյանը:
Անդրադառնալով նախագահի մեկ այլ թեկնածու՝ Պարույր Հայրիկյանի ասածներին, թե նախկին արտգործնախարար Րաֆֆի Հովհաննիսյանը պաշտոնից դուրս ոչինչ չի արել հայ ազգի համար եւ ոչ թե ընդդիմություն, այլ զուգահեռ իշխանություն է, ասաց, որ իշխանության թեւի տակ եղողներն են պարոն Հովհաննիսյանին իշխանություն համարում ու նման որակումներ տալիս. «Էս մեկն էլ անցանք»:
Արփինե ՍԻՄՈՆՅԱՆ
